مراثية الشيخ /محمد بن نعيس رحمه الله

(بسم الله الرحمن الرحيم )
هذه قصيدة مرثيه من الشاعر/ عوده بن فالح البلوي في صديقه وجاره ورفيق دربه المرحوم الشيخ /محمد بن سالم بن نعيس بن رفاده .فقد عاشوا من صغرهم سويه واخوان بالسراء والضراء وتنقلو بين مدن المملكة لطلب الرزق والعيش بذلك الحين ومن ثم رجعوا وعاشو في قرية المنجور وبنوا مبانيهم بجانب بعضها البعض لما بينهم من صداقه .والشيخ محمد بن نعيس رحمه الله سمت به اخلاقه وحلق به جوده وتملك قلوب الرجال بمواقفه النبيله وحسن كلامه وتواضعه وكرمه فأحبه كل من سمع به .وعند ماتوفى ناظر الشاعر / عوده بن جديع في مباني صديقه وفي مجلسه تأثر وهضت قريحته بهذه الابيات....

يامل قلب جور الايام يكويه =كية مريض غاص فيه الصوابي
البارحه ياعين دمعك نثرتيه =من هاجس باقصى الضمير التوابي
ابكي على جار نقلته موديه=حول العشا من عقب وقت الغيابي
للمقبره وديته اصيح وابكيه =ابكي واهل الدمع من حر ما بي
حطوه في قبرأ بعيده مداليه = واقفيت يوم القوا عليه الترابي
ياعين هلي دمعك اليوم هليه= على فراق مابعده اقترابي
واحيرتي ماظني القى العوض فيه =مالقى العوض لاما يشيب الغرابي
قالوا تناسه قلت ماني بناسيه =منسى زعيم منزله في جنابي
هذي محلاته وهذي مبانيه =وهذي منزلنا وحنا شبابي
وهذا هو المجلس وهذي مراكيه =وهذا مكزه للدلال العذابي
ياما نزلنا روض زينه مفاليه =وياما ركبنا متعبت الركابي
هذا ربيع الضيف ياجاهل فيه= اقولها للي تسمع جوابي
ياعلي خلك مع مسيره وطاريه =تشدى كما ظلع رفيع ونابي
ابوك عز اللي من الضيم ناصيه =عز الرفيق وصيرمي مايهابي
ابن نعيس اللي تهيضت وارثيه =ارثي صديقي يوم زاد العنابي
العام جيران يجيني وان اجيه =واليوم راح وبعده اجمع زهابي
ولابد من يوم قفا العمر قافيه = مادمت شايب مابقا الا عقابي
هذا مسير الوقت مره وحاليه= يوم لك ويوم يجي فنقلابي
يالله ياعالم بقلبي وخافيه= يالله يامنشي مزون السحابي
في جنة الفردوس تجعل ملافيه =وتهون حسابه نهار الحسابي

السلام عليكم ورحمة الله وبركاته عابر سبيل
صح لسان الشاعر عوده ابن جديع ومرثيته في الشيخ / محمد ابن نعيس رحمه الله ..

وللعلم الشاعر عوده ابن جديع من شعراء بلي المعروفين والكبارواشتهر بشعر القلطه
خصوصا في مناطق الساحل والقرى المجاوره وله ولابنه الشاعر عيد العديد من القصايد
القويه والجزله وبعضها موجود بالمنتدى ...

مشكور عابر سبيل على نقل القصيده ...

اخي عابر سبيل

صح لسان الشاعر عوده ابن جديع ورحم الله الشيخ محمد بن نعيس وهورجل معروف عنه الاخلاق الحميده وانا كنت من اللذين يعرفونه عز المعرفه رحمه الله واسكنه فسيح جناته


شكرا عابر سبيل

معيض ابراهيم الرموثي



مشكوورررررررررررررررررر على المرووووووووووووووووووووووررر

صح بدنك اخوي عبدالله الوحيشي

صح لسانك ولسان قايلها
ولك مني خالص الشكر.....عابرسبيل.....

جواهر