مشكله هالاب والام

[SIZE=3][B][CENTER][COLOR=black]الأب: يا ولد[/COLOR][/CENTER]
[COLOR=black][CENTER]
الابن (و بكل براءة) : نعم

الأب: نعامة ترفصك تعال

الابن: ليش إيش سويت؟

الأب: سواك ضرب يخلع رقبتك

الابن: إيش فيه؟

الام : شوي يشوي عضمك.. رد على أبوك زي العالم المحترمة

الابن : هوة أنا حكيت شي؟

الأب: حكحكوا جنابك بالعصاية.. أوقف عدل يا حيوان

الابن : حاضر

الأم: يحضروا على قبرك.. لما أبوك يحكي إنت بتخرس

الابن: أخرس؟؟

الأب: أيوة إنشالله خرسة

الابن: ماشي

الأم: إجاك مشش بركبك ما تقوم منه

الابن : شو هاد مشش؟؟

الأب: أما إنك قليل حيا و بترد بتم إمك هات العصاية و تعال

الابن: انا رديت على إمي؟ يما احكي كلمه

الأم: موا يمويك ... حكيتلك إخرس

الابن (( غلب على امره و سكت))

الأب: أما جيل قليل حيا صحيح... إحكي ولك مالك إنخرست انشالله خرسه

الابن: شو احكي؟ إذا حكيت بتشوفوا كلامي غلط

الأب: ليش عُمي شايفنا و لا حوول؟

الابن: لا اله الا الله

الأم : الله ياخدك ويريحنا منك.. يا ريتني خلفت ابن جيرانا و لا خلفتك

الأب: انا مش عارف هادة الولد لمين طالع .. ولك وقتيش بدك تصير رجال..؟

الابن: طيب شو أعمل عشان تشوفني رجال؟

الأب: إن شالله ما تطيب.. اخرس

الابن: يا ربيييييييييي خلاص عاد ممكن أروح؟... ليش ناديتوني؟

الأم: آه صحيح انت ليش ناديت عالولد؟

الأب: بتصدقي يا مرة.... نسيت.. مش عارف...


خلص إنقلع..
[IMG]http://www.aoua.com/vb/images/newsm/mouth.gif[/IMG] [IMG]http://www.aoua.com/vb/images/newsm/mouth.gif[/IMG] [IMG]http://www.aoua.com/vb/images/newsm/mouth.gif[/IMG]

لا حول ولا قوة إلا بالله لووووووول[/CENTER][/COLOR][CENTER][/CENTER]
[/B][/SIZE]

يعطيك الله العافية