قصتي وصورة صدام اللي على القمر...واقعية %

كان يا ما كان ... << وين يالاخو

طيب اولا يا شباب السلام عليكم
بصراحة صار لي فترة عن هالقسم
وانا اصلا بداية مشواري في هالمنتدى من هالقسم
علشان كذا احس اني بـأيام زمان

ابدأ بالسالفة علشان اخاف اطحلب كثير

اتصل علي واحد من الشباب وقال لي صورة صدام على القمر

انا بصراحة من سخافة النكتة قمت وقفلت بوجهه

اشوي الا ويتصل علي مرة ثانية واول ما رديت قال : والله ان الناس يقولونه

قلت ما دام ان الرجال حلف اكيد انه ما يمزح

قفلت بوجه المرة هذي لكن مو علشان النكته سخيفة لا رحت ركض ابغى اشوف صدام على القمر

واتلفت بالقمر ساعة ما شفت شيء دقيت عليه

وقلت : اوريك يا ابو المقالب اذا ما وكلتك وحدة ما تنساها طول حياتك

قال لي : هيه انت تحسبني انكت انت ووجهك...عاد المرة هذي هو قفل بوجهي

طلعت مرة عاشرة اتلفت بالقمر قلبت القمر على كل الجهات ما طلعت معي نتيجة

قلت ما هو صحيح اكيد خوينا شارب له شيء

واروح قدام التلفزيون واقلب بهالقنوات والقى قناة اعجبتني

والقى رسالة طالعة في شريط الاهداءات على القناة تقول اللي راسلتها "شفتوا صدام بالقمر"

عاد انا رميت الكنترول وقفلت معي..

ليش كل الناس شافوه وانا لا

وافكر يا ولد هاه هاه وش الحل

وبعد تفكير عميق طلعت بنتيجة

الحل هو اني انادي اخواني كلهم واخليهم يدورون خشة صدام بالقمر

ارسلتهم يدورون صدام ما جلسوا دقيقة الا وهم راجعين يقولون: سبحان الله سبحان الله

قلت تعال انت واياه لا تقولون لي انكم شفتم صدام بعد

وبكل براءة قالوا صورة صدام على القمر ..الله يرحم صدام

قلت انتم متأكدين انكم شفتوه

قالوا ايه انت ما تشوفه هذاك هو <<يأشرون عليه

صوت من بعيد"والى يومكم هذا ما عرفته" :يا احول روح نظف نظاراتك وبعدين دوره

"ولأني كنت مشغول بالتحقيق ما كنت فاضي له"

قلت تعالوا وروني اياها

وساعة وعبدالرحمن "واحد من اخواني"يشر بيده على صورة صدام

طبعا انا حتى بعد الاستعانه بصديق ما شفت شيء

فكرت مليا وفكرت وفكرت ...اها وجدت الحل

ناديت واحد واحد من أخواني

واسال كل واحد فيهم اوصف لي صورة صدام؟؟

الأول : لحيته بيضاء وملتفت يمين
الثانية: صرفتها على طول لصغر سنها
الثالث : لحيته بيضاء وملتفت كذا <<يقصد يمين

اتفق الاول والثالث في الوصف
عاد ما خلص كلامه الا وانا منجلط

قلت خلاص روحوا كملوا لعبكم

وافرش لي بالحوش وانسدح واطالع بالقمر <<< ما تعب وهو يدور

بالأخير جتني فكرة ما ادري كيف لقطتها

ناديت اخواني وقلت لهم يا أذكيا الصورة اللي بالقمر صورة الملك فهد ما هي صورة صدام

وقلبوا اعيونهم الصغيره في القمر وقالوا

اي والله صورة الملك فهد

عاد انا الحين مسكت اقرب عصى وهم كلن مسك له غرفه وسكر عليه الباب

<< طبعا لا تاخذون اي انطباع عني من هذي القصة لان النكته كانت موجودة في كل لحظاتها >>

انتهت

لكم مني التحية
محبكم
عبدالمجيد الهرفي

هلا فيك اخوي عبدالمجيد الهرفي هذى الاشاعه سمعت فيها انا بعد
اتصل واحد من العيال على صاحبى وانا عنده قاله اللبس نضاره شمسيه وطالع القمر اوجيب
اشاعه حقت المستشفى العاديه وحطها على جهت القمر وتشوف صدام
جلست عند صاحبي شوي ورجعت البيت الا صاحبي يتصل يقول والله شفته صح
كعادتى ملقوف رحت جبت اشاعه وحطها على القمر ولا شفت شي قلت ياولد
هذى خزعبلات على قولتهم خرطي &#215;خرطي
لكن جانى واحد وحكيته بالى صار والرجال دكتور ماشالله
قالى وبكل بساطه انا اللحين اجلس معاك فتره وتكون صورتى بخيالك
طالع القمر بالليل تشوف صورتى ليش لان صورتى بخيالك اللحين
فهذى كلها اوهام
اشاعه سوتها العالم ومشيت لكن انا اتوقع انا كلام الرجال صح
الصوره الى ببالك تشوفها باي مكان

>>>>نص عيال حارتنا مطلعين الاشاعات حقت عجزهم ويطالعون بالقمر

عبدالمجيد ..

أنا قلت لواحد من أخواني الصغار .. رح شف صورتي على القمر
..
عاد الدلو صدق
..

<< مزحه ثقيل صح
..

تحياتي

عبدالرحمن الرموثي
رضا محمود الجحرش

شرفني وجودكم واعجبني حضوركم

لكما مني التحية
محبكم

وافرش لي بالحوش وانسدح واطالع بالقمر <<< ما تعب وهو يدور
بالأخير جتني فكرة ما ادري كيف لقطتها

أمــــــــــــــــا ذكي يا عبد المجيد
الذكاء واضح
((ماتعطيني شوي منه ))

ههههههههههه
يــــــــــــــــا أخوان والله لو فهمنا هذا الحديث ... وباقي أحاديث الرسول ...لكذبنا هذه الاشاعة من البدايه..
قال الرسول عليه أفضل الصلاة والسلام((الشمس والقمر أيتان من ايات الله لا يكسفان لموت أحد ولا لحياته))..
بارك الله فيك أخوي عبدالمجيد على القصه الجميله الطريفة ...
ويعطيك العافيه ...
وجزاك الله خير

أبو جهاد العرادي

مع اني ما احب الكلام الملغم الا اني بامشيها لك

أما بالنسبة لذكائي فأنا اسف ابوي قال لي لا تعطي أحد من "ذكائك"

لك تحياتي
محبك
عبدالمجيد الهرفي