عفواً ترى ما كل الايام راحه

إخواني وأخواتي أعضاء منتدى بلي أنتم اكبر من العذر ولكني أعتذر لكم عن طول الغياب وقلة المشاركات والردود هكذا الأنسان تمضي به الأيام وهو يظن انه يمكن ينهي ما عليه ويكتشف دائماً انه بقي عليه أشياء وهكذا حتى يفضي إلى ما قدّم
أرجو أن تعذروني وتقّبلوا هذة النصيحه (قصيده ستنزل إلى الأسواق في شريط اسلامي) ودمتم بخير

لاباس يامجروح تسعين لا باس = ليه الصياح وليه كثر النياحه
لا تحسب أنك بس من يملك إحساس = الحس فقلوب البشر له مساحه
شف يا ولد ما يجذب الناس للناس = غير الوفا والمرجله والصراحه
واللي خلقك وكّونك جسم وانفاس = انك على الدنيا نزيل استراحه
قيس الامور وكل حاجه لها قياس = ترى البشر ماهي لنا مستباحه
لا تصاحب إلا حر فالجو قرناس = اليا صفق تعجبك صفقة جناحه
واللي يدوس الناس لابد ينداس = واللي جرح مخلوق تكثر جراحه
واللي يقّدم كاس يشرب من الكاس = هذا كلام العقل والعقل راحه
احفظ لسانك حفظ ظبه وترباس = ترى لسانك يهلكك في مزاحه
وان كان منت بغبة البحر غطاس = احذر تعلم بالمحيط السباحه
العلم بيت وجّود البيت بالساس = وكلاً على جهده يحّصل نجاحه
ايامانا تصفى وتركد وتنحاس = عفواً ترى ما كل الايام راحه

شاعر كبير مثل شاعرنا عبد الله .. نتوقع منه الرائع والافضل دووماَ

شاعر نثر عبيق وردهـ في كل اركان منتدانا الغالي ..

كلمات اخجلت قلمي المتواضع .. فعجز عن اعطائه حقه ..

ويفتخر كونه اول قاريء .. واول من يرد ..

لك كل الشكر .. ودوماً متميز في كلماتك وطرحك وابداعكـ ..

الله يخليك لعين ترجيك يا ابن منقرهـ ..

تحيتي ,,,,

\\شاعرنا الكبير\\عبدالله مناحي منقره \\اهلاّ وسهلاّ بهذه الاطلاله لاعدمنا هذه الاطلاله الغاليه وشكراّ علاماجئتنا ايهاالجزل في هذه القصيده
التي تحمل النصائح الغاليه للفائده والصور البلاغيه للابداع وفقت ودمت وسلمت ايها الجميل


\\محبك ابوسامي\\

\\العلم بيت وجود البيت باالساس\\وكللن على جهده يحصل نجاحه


\سلمت سلمت سلمت\شاعرنا الكبير \عبدالله مناحي\

قصيدة بألف قصيدة

كل بيت يعدل قصائد

تغيب و ترجع بروائع

لك من محبك كل تقدير


وفقك الله

شف يا ولد ما يجذب الناس للناس =غير الوفـا والمرجلـه والصراحـه .

شاعرنا الكبير

عبالله مناحي منقره

صح اللسانك

أأأأأأأبدأأأأع بعد غيبه .....