قصيده صلفات الايام يامكثر مشاكلهـــــــــــا

الملف الشخصي · 02-05-2007, 06:20 PM

هذه قصيده نصيحه
على قارحة قصيدة الوقداني الغنيه عن التعريف
ودي ان تنال اعجابكم ويستفاد منها إن شاء الله تعالــــــــــــــــــــــــــــــــــــــــــــــ ــــى:-

خيلت مزنه وغيري من يخيلها=لعل غر المزون تعم الاوطاني
خيلتها والهواء الغربي يقلقلها=ينذر مطرها بعارض تقل طوفاني
لعلها تسقي الديره همايلها=ويبارك الله بماطر غر الامزاني
والبدو تبقى تريض في منازلها=وتباشروا بالحياء ذربين الايماني
واهل الحليل تباشر في احليلها=وعن مامضى جاتهم سلوه ونسياني
والارض خضراء عواليها واسافلها=من فضل ربي وتقديره والاحساني
لاشك عندي مثايل جيت امثلها=عن وقتنا هالجديد وقتنا الفاني
صلفات الايام يامكثر مشاكلها=ماتنعرف واجده باشكال واللواني
ايامنا عوج من يقدر يعدلها=عوجات الايام فيها الكل بحلاني
يامحلل ايامنا صعبا تحللها=مثل الرحاء المستديره راس ولساني
تقطع وتاصل وتفتل في حبايلها=ماعاد يامن بها رجال فهماني
تعطي وتاخذ وملعونا تعاملها=تقول ديان شايف وجه دياني
ان اقبلت يبلش العاقل تغزلها=مثل الهنوف ان تمشت بين فرقاني
ماغير لجت ذهبها مع خلاخلها=زي المصاري لها بيدين ورعاني
ياصرع لوذاتها ومصرع تجاهلها=وياصرع صكاتها من فوق الاوجاني
واللي مكذب بها له يوم ياكلها=اما على اللوجه والا فوق الامتاني
في كل يوما توزع في رسائلها=تاخذ شيوخ العرب وفلان وفلاني
تبكي وتضحك وفيه اعيون تكحلها=ولو ارمست عام ياتي عامها الثاني
حدباء ظهرراسها يلمس عدايلها=تاعد وتخلف وتزعل كل طرباني
صكاتها مالها محلل يحللها=ماوفرت بالبشر باشه وسلطاني
الله يخارج من الدنيا ومايلها=ميلات الايام تذرف دمع الاعياني
وابا انصح الناس عاقلها وجاهلها=نصيحتا ماتباع بغال الاثماني
ان النصيحه ليا كملت فصايلها=تكفي عن الزاد والقاصي مع الداني
نصيحتي قلتها وانا اتحملها=ان طبقت عندها مبدا وبرهاني
احسن صلاتك ورتلها وكملها=وحافظ عليها وكمل دون نقصاني
اقرا بالايات واحسن في ترتلها=ان الصلاوات تنهاكم وتنهاني
سر للمساجد وفي خطوتك واصلها=كبر وهلل على ترديد الاذاني
واتعب على الطيبه واعرف حقايلها=من قدم الطيبه ماهو بخسراني
من قدم الطيبه وده يحصلها=ماحاشها غير راعيها بليهاني
وان شفت بعض الجهالا لاتجادلها=تبلش بكلمه بلا معنى وعنواني
واهل النمائم حاذور انك تجاملها=قل للمنافق ترن القول يازاني
قله علومك لزوم انك تبدلها=بعلوم زينه بلا نقصا وحقراني
وانذال بعض العرب حذرا توسلها=ماحسبو شرهتك لوكنت شرهاني
وعقيل الاجواد حاذورك تزعلها=لاترتكب غلطتا وتصير ندماني
الناس عقيلها ترفاء خمايلها=كاالساس لنه وضع من فوق بنياني
واهل الجمايل عسى ربي يجملها=لان الجماله من اسمات العريباني
وذوات الارحام وثقها اواصلها=وصى بها الله وخلاء شانها شاني
والدمعه الحائره حذرك تسيلها=يمكن تصادف دموع اعيون يتماني
امسح على روسها وارفع جدايلها=ماصابها صايبك لن كنت فهماني
ارع الليالي تغرك في تحايلها=احسب حسابك وعقد روس الارداني
والناس حذرك تكشف في خمايلها=الستر واجب على ربعا وقوماني
من لاستر عورة المسلم وحفلها=خالف قوانين باب الستر بالعاني
ولاتضايق المعسرين وقوم وامهلها=اقبل اعذور العرب لو كنت زعلاني
سهل على الناس لك ربا يسهلها=في ساعتا وانت للتسهيل شفقاني
اعفو عن الناس واصفح عن تكللها=اوصى بها الله وظمن حقوق الانساني
والصبر بيبان ربك مايقفلها=اصبر وصبرك ترى مايروح مجاني
لاتطاوع الناس جاهلها وعاقلها=فكر وميز وعقلك معك ميزاني
ترى كثير العرب شينه غلايلها=تريد نشر المشاكل بين الاخواني
وصدقان وقت الرخاء حذرك تزملها=لابانت اللازمه خلوك وحداني
ياكثر الاصحاب طالعها ونازلها=وعند الشدايد اتغلق مالها اماني
صعب المواقف تبين لك دلايلها=ساس الرداء مايشد الراس كوباني
وارزاقنا عند رب الكون كافلها=متكفلا بالعباد وكل ماكاني
النفس يعرف مخارجها ومداخلها=عائش عيال الجراد بشهب الازماني
تمت وبينت باخرها وبولها=كلام عاقل وبالاحوال درياني
وصلاة ربي على موضح فضايلها=المصطفى خير نسل اولاد عدناني
شفيع الامه ومنقذها ومنهلها=ازكاء صلاتا عليه بكل الاحياني

وسلامتكم

الملف الشخصي · 02-05-2007, 07:27 PM

صكاتهـا مالهـا محـلـل يــحللها - ماوفرت بالبشـر باشـه وسلطانـي

ابوعاطف

صح الله لسانك وسلمت

نصيحه قيمه

وتقبل مروري

وتحياتي

الملف الشخصي · 02-05-2007, 08:26 PM

والدمعـه الحائـره حـذرك تسيلهـا
يمكن تصادف دموع اعيون يتمانـي
أخي الشاعر عبد الكريم الصويدر
جيت مستعجل
وقرات بتمعن
وفاتني مافاتني
وأعجبت ذوقي المتواضع
قراتها إلى البيت رقم (40)
لكن اعذرني
لي عودة أخرى إن شاء الله
وصح لسانك وفكرك الجزل