جريده عكاظ تنفرد بقصائد أعضاء منتدى بلي

أنفردت جريدة عكاظ اليوم الأحد 29/07/1428هـ ) 12/ أغسطس /2007 العدد : 2247 بقصـــائد مبدعين وشعراء بلي وهم الشاعر أسعد أبن إبراهيم السحيمي البلوي بقصيده (لولا الملامة)والشاعر القدير والضيف الكبير هيثم الحياني بقصيدة ((شظايا ألم ))
لولا الملامة

أسعد السحيمي

لولا الملامه وخوفي الناس يدرون
لكتب على جدران بيتك.. أناني
وانظم قصيدة واجعل القاف موزون
فيها من الشلفات فكر ومعاني
وابدأ بقصة زلزلت قلب مفتون
عنوانها (اكبر غلط في زماني)
قربك وحبك والنظر في هالعيون
حلم حلمته وصرت منه.. اعاني
وسر الهوى من بيننا كان مدفون
ما يعلمه ياكود خالق لساني
حسدت نفسي وصرت هايم ومجنون
واعطيتك احسن من مكانك مكاني
وحسنت ظني فيك والشك مغبون
ماله مكان بداخل القلب.. فاني
وانكرتني يوم (الزمن) فاقد النون
وجرحت في خنجر غلاك المحاني
وخليت اطفال المحاني.. يصيحون
واثر البلى في قلبك اليوم (ثاني)
صرت اتلفت من بقالي بهالكون
غير السراب يقول انه.. بقاني
ما غير انا وقطرات دم يهلون
وفكر عوج اليا عزمت يعصاني
ليه الوفى والصدق عندك يهونون
ليه الهجر يقطع طريق الاماني
وليه الغدر ويا الخيانة يهنون
(شيطان فكرك) لاتمرد وجاني
ياشيخ انا الغلطان فكره.. ومضمون
رميت قلبي بين.. يدين جاني
ماكفته جرح المشاعر ولاحزون
هدت صروح الحب داخل كياني
كبر صغيره واختلق شك وظنون
حتى من النظرة البريئة نهاني
اصدر قراره للأسف كان مشحون
وخلاني في صفحات سود وطواني
تبي الصراحة روح.. ماني بمسجون
والقلب اللي بالمحبة شراني

الرابط
http://www.okaz.com.sa/okaz/osf/2007...0812131757.htm

والشاعر هيثم اللحياني
شظايا ألم

هيثم اللحياني

لا الصبر ينفع ولا ذا الليل له آخر
وماعدت انا اقوى على حملي وآلامي
ياليتني مشتكي من حظى العاثر
وياليتني مشتكي من زلة اقدامي
يا أسعد اليوم انا في دنيتي حاير
ما جيتك الا وهي قد جفت احلامي
الصمت يصرخ وجمر الحزن بي ثاير
وريحان عمري ذبل من عدة اعوامي
البارحة يالخوي مر الألم زاير
واسقاني الهم من كأس العنا الدامي
مدري وش اللي جرى وبحالتي صاير
لكن تركني وما زلت الهث وظامي
رمح الليالي بصدر شموسها غاير
والموت دم جرى بعروق أيامي
ولا شفت جفنى معا بدر الدجى ساهر
لا تحسب ان الهوى بسبابه اسقامي
لاني عشيق ولا مسحور او ساحر
ولا طريت المها في معجم الهامي
لكن طرى هاجس مثل البحر هادر
يحمل شعوري على موج كالاعلامي
وسرب المعاني هجم مثل الوحش كاسر
وجات القصايد على الموعد مع اقلامي
يا أسعد افهم ترى وجه الألم سافر
والدمع يوم انتثر ماهو من اوهامي
بي ضاق وسع الفضا وبالغدر انا شاعر
خلفي ضياع وندم والويل قدامي
والفرح في دنيتي مثل الوفا نادر
واصبحت عقب الأمل عايش بالاوهامي
ماهو انا اللي جنى مير الزمن جاير
ويا ويل حالي وانا مذبوح بسهامي
بيدي بريت السهم واعطيته الغادر
كنت احتمي به واثره لقلبي الرامي
ودي يعود الذي عن دنيتي سافر
واسأله عن دمعتي وأسباب آلامي
منهو بدى.. وانتهى.. من بالخطا جاهر
منهو بري ومن في فعله اجرامي
منهو كسب جنته وفي ناره الخاسر
ومنهو بناها وعلا ومن كان هدامي
مليت انا يالخوي ولزوم انا اهاجر
عل وعساه الهنا داري وهندامي
الرابط
http://www.okaz.com.sa/okaz/osf/2007...0812131756.htm

الــــــــــــــزاد

ماقصرت والله يعطيك العافية

وبالتوفيق لشــعراء بلــــي

محمـد بن عيـد كحتــــان