(( اميل للعزله وابعد عن الناس ))

السلام عليكم

اليوم جايب لكم قصيده من اجمل ماكتب الشاعر

شايوش الجوهر

وان شاء الله انها تعجبكم
.
.

(( اميل للعزله ))

اميل للعزله وابعد عن الناس = مابي عيون الناس تنظر لحالي
قلبي من الاحزان تايه ومنحاس = وعيني تهل الدمع ياعزتالي
ماعدت اواطن عقب فرقاه جلاس = من حزني يالي ماعطاني مجالي
جو السعاده لي تبدل بالاتعاس = من يوم عني ابعدتك الليالي
اصيح بسمك كل ماهب نسناس = لجت بريحك لي هبوب الشمالي
وأذرف دموع الوجد وأقول لاباس = ومن القهر تصفق يميني شمالي
عزت علي فرقاك ياعدم الاجناس = ماني عقب فرقاك تايه وسالي
حبك بقلبي ماله حدود واقياس = حبك حياتي وشوفتك راس مالي