ياعم صــــبـــركــــــــ

القصيده موجهه الى ( عطاالله بن ابراهيم بن معيوف ابن رفاده )

البارحة ليلي هواجيس وافكار = والعين حاربها عن النوم لاهوب
واخذت مع نفسي مسافة ومشوار = وانساب دمعي فوق الاوجان مسكوب
من هاجس يسعر بروحي كما النار =والقلب حسيته من الهم مشبوب
واجبرني الموقف على نظم الاشعار =والشعر لا جنب عن الزور مرغوب
وياالله يالمعبود علام الاسرار =يافارج الكربات عن كل مكروب
ياحافظ محمد وابو بكر فالغار =يامرجع يوسف على ابوه يعقوب
يامخرج يونس من افواه الاخطار = ياكاشف البلوى عن الصابر ايوب
ربي طلبتك حاجتي وقت الاسحار =وقت استجابه والدعاء فيه مكتوب
يالله رفعت أيدي لك سر وجهار = وانت الكريم المعتلي خير مطلوب
طالبك تشفي مكرم الضيف والجار = طلق الحجاج يعامل الناس بسلوب
يمناه غيث للضعيفين مدرار = يزبن عليه اللي من الوقت مصيوب
متواضع ولين مع اصغار وكبار =واللي تعزوى فيه ماهو بمغلوب
واليا ذكر بالفعل وافين الاشبار = لبو عبدالله بيرق العز منصوب
عمي ذرى من يشتكي هم واعسار = عن لازمه ما حط عذر وكذوب
انشهد ان بوصفه الشعر يحتار = سبحان من سواه مافيه عذروب
يارب زين حالته بعد ماصار = والبسه تاج العافيه والهناء ثوب
وياعم صبرك وانت رجال صبار = والصبر زين ويدمح اثام وذنوب
الله عطاك ايمان مع صبر واصرار = اصعب صعب مع قوة ايمانك يذوب
وهذي الحياة تمر بأحوال و أطوار = ياكثر من يضحك وياكثر منكوب
والمبتلى يرضى على حكم الاقدار = ومحدن عن القسمه من الناس محجوب
واليوم شوف جموع من جوك زوار = جوك ابغلا والطيب له نهج ودروب
تزاحموا شيمه وحشمه ومقدار = زين الفعايل خلتك رجل محسوب
مافكروا فالبعد واخطار الاسفار = جوك بلهف ماقالوا يسد مندوب
طيبك جمع لك من صداقات الاخيار = ناس من الجهنان وعنوز وحروب
وبني عطيه والحويطات الاحرار = جو من شمال وناس من شرق وجنوب
والحضر معهم بذلك الطيب مابار = ماينكرون الجود في كل ماجوب
ولك عزوة ترخص على شانك اعمار = ورجل بلا عزوه من العز مسلوب
ويالونها باليد والناس تختار = ماصابتك سيه ولو كبر قشروب
ولا بدها تصبح مع الوقت تذكار = وتعيش بين الناس شامخ ومحبوب
وفختامها صلوا على سيد الا برار = اللي دعا للحق وطاعت له قلوب

الشاعر : مبارك بن محمد بن ابراهيم ابن رفاده

أخوي عابر سبيل

سلمت يمناك ولا عدمناك يالطيب على هالقصيده الجزله

وصح لسان الشاعر ابن رفاده ، يحفظكم ربي00

عابر سبيل 0 تاصل على خير
وصح لسانك ولسان الشاعر 0 وتقبل تحياتي

عابر سبيل

سلمت على النقل

وصح لسان الشاعرمبارك بن محمد بن رفاده.

يعطيك العافيه لاتحافنا بهذهـ القصيدهـ ..

عابر سبيل

/

الحمد الله على السلامة . وعوداً حميداً

,

وشكراً اخي الغالي على هذا الطرح

وصح سانك ولسان الشاعر مبارك بن محمد بن ابراهيم ابن رفاده

,

ونطالبك بالمزيد

:
محبتي وتقديري