بيت الشعر عنك ما نويت بالتوبة

يسعد مساك أخوي أبونواف
جيتك طلابه ولاتردني
عودتنا على كرمك وحنا نستاهل
في قصيده لها ذكريات جميله
وهي للشاعره الراسيه
((بيت الشعر))
بيت الشعر عنك ما نويت بالتوبة ***ولا نويت ابتعد عن حمر الأطعاسي
استهوي الضو بوجه البيت مشبوبة ***واستهوي البن يحمس وسط محماسي
وأشفق لشوف الغضا يبس ومحطوبة ***وشوف الدلال الصفر يبري تعوماسي
وافرح بضيف يكر النار في ثوبه ***ريحة غضاها ترد الروح لأنفاسي
واسعد بشوف الحلال وحزة غروبة ***إلي ضوت للعشا تقرع بالأجراسي
والبل تبغى العشا ترغي ومشعوبة ***والراعي اللي مع الحيران محتاسي
ياااااازين شوفة نجوم الليل مصحوبة ***مع بدرها اللي ينور عتم العماسي
ينعش فؤادي نسيم البر وهبوبه ***وريح الخزامى ليا هبت بنسناسي
والمهرة اللي عسفها العود بسلوبه ***من دون سرج ركبها عالي الساسي
وشيهانة للقنص تطلع ومطلوبة ***تطلع بعيد وغلاها ماله قياسي
بنت البدو شيخة فطنة ورعبوبة ***تعوذ من كل شيطان وخناسي
اليا لفى الضيف مثل البرق لهلوبة ***سيف تصاقل فملعب كل الأجناسي
ما عمرها جات مخزومة ومغلوبة ***غندورة في العقل ونفوذها سياسي
مرغوبة حيل إي والله مرغوبة ***من مجلس النشامى فيه جلاسي
ياااانار إكلي حطب ما عندنا توبه ***حنااااا بدو دايما نمسي في الاطعاسي
وحبيت أسمعها بصوتك الشجي وجرتك الرائعه
فضلا لا أمرا
والله لورديتني ما أقول غير
بيض الله وجهك في كل الحالتين
تقبل مني فائق الإحترام لشخصك الكريم

http://www.5ymah.net/inf/voicesm/1558.ra

نواف لاهنت يابعدي ..

والمـهـــرة اللي عسفها العود بسلوبه ***من دون سرج ركبها عالي الساسي
وشيهانة للقنص تطلع ومطلوبة ***تطلع بعيد وغلاها ماله قياسي
بنت البدو شيخة فطنة ورعبوبة ***تعوذ من كل شيطان وخناسي
اليا لفى الضيف مثل البرق لهلوبة ***سيف تصاقل فملعب كل الأجناسي
ما عمرها جات مخزومة ومغلوبة ***غندورة في العقل ونفوذها سياسي
مرغوبة حيل إي والله مرغوبة ***من مجلس النشامى فيه جلاسي
ياااانار إكلي حطب ما عندنا توبه ***حنااااا بدو دايما نمسي في الاطعاسي



*
*
سلم ذوقكــ
و"الراسيه " شاعره ما تقول الا الجزل !!

تقبل تحيــاتي