تعال اسمع ؟

الملف الشخصي · 05-21-2008, 06:36 PM

تعال أسمع كلامي زين وتسري معي مشوار=على طاري مساريها على الذكرى نسريها
صراحه والصراحه توجع المخطي كما المخطار=نويت أنجْض الكيه طبيب الحال كاويها
أذا قصدك فنون الشعر والمعنى لها تذكار=تسْمع واستمعني زين أنا قصه وراويها
تسلم عدها بأثبات ولا تقسم على الأعشار=سليم حروفها عده بأولها وتاليها
بديت الشعر من صغري وأنا أسمي مع الشعار=حسب فهمي حسب ذوقي مشاعر دوم أجاريها
بديته من قبل تبدا على شط البحر والنار=أذا بهرت أنا الدله تقند راس راعيها
أذا ما كنت داريبي تسمع نشرة الاخبار=يجيك العلم في وقته كاتبها وقاريها
حقوق الطبع محفوظه لأبو فيصل مع الاخيار=ولا اقبل حقوق الغير ولا بايع وشاريها
أذا همك حروف الشعر أجمعها كما النوار=وأرتبها على كيفي على معناي زاهيها
زمان الشعر وحروفه أغنيها مع السمار=زمان الشعر والمعنى حقايق من يخفيها
سبقت اللي تقول انهم على سطح القمر زوار=قبل يظهر بعض عالم وتظهرلي يلاويها
أخذت أزمامها بيدي على وضح النقاء يا جار=لي النوماس عند الناس هدية حب ما اهديها

مع تحيات ابو فيصل والى لقاء