(((بين الأقواس)))

الملف الشخصي · 06-06-2008, 09:56 PM

0(((بين الأقواس)))0
(
)
(
)
(
)
(
)
)

أقولها وأقول مـن بيـن الأقـواس=هذا هـو العنـوان مبـدا الثمينـه
أقولها من حرف يبنى على سـاس=رسـم المشاعروالمعانـي غشينـه
ياشعر جاوبني على كـل نبـراس=وقف معي ياشعر صْـدق وسكينـه
يا شعر سولف دام دقن الاجـراس=دوك الكنين وصب خافـي كنينـه
ياشعر لا تسولف سواليف جسـاس=مليـت أناالتاريـخ كـلاً وحينـه
الفكر مبحر والمعانـي لهـا راس=ترسي على مرساي مثـل السفينـه
يقودهـا ربـان ماهـر وغطـاس=يخطف مـن المكنـون دُره ثمينـه
مثل الاصيله وإن عدنْ قب الافراس=من اول بنات الفكرفـارس تعينـه
يعجب لززها لا أقترب كل نوماس=خطراً رسنها ينفـرط مـن يدينـه
من فكر شاعروأن نظمها على قياس=ما حركه هرج العرب والضغينـه
الشعر للشعـار مدهـل ومجـلاس=قدره رزين ولـه مكانـه رزينـه
الشعر يجري بالمشاعر والاحساس=فوق الخيال يشوف حرفـي بعينـه
أنتحت صفاته نحت من قبل تنحاس=وأشرب قراح الجم وأزحـم قطينـه
ياشعر شوف عراقنا اليوم ينداس =والقدس تصرخ والمشاعر حزينـه
للسيف شذره عانقـة درة المـاس=صافح ذهبها من صفاهـا جبينـه
ضاع التكاتف بيننا ضد الانجـاس=ضد الطغـاه وضـد عالـم لعينـه
مره على برلين ومـره لتكسـاس=بين الرجاء والياس والحـال شينـه
ومره على بيروت ومره على فاس=والوضع مزري والجبانـه مهينـه
نبض المشاعر من ضمائر بالانفاس=واعلن بهـا بالصـوت يا ذاكرينه
ما عاد فيها حل والوضع حسـاس=ألأ نـداء المقـدام حامـي عرينـه
صقر السلام ينادي السْلم يـا نـاس=من خـادم البيتيـن تسلـم يمينـه
وحنا على يمنـاه للديـن حـراس=حـب وفـاء للديـن ومبايعيـنـه
دار ابو متعب ديرة المجدوالسـاس=تبقـى المشاعرفـي ثراهـا دفينـه
بأمر الذي نزل تبارك مـع النـاس=ألأ يعـز الله فـي يــوم ديـنـه
يا الله أنا راجيك رجوى بلا يـاس=نصرك وعزك كل مسلـم تعينـه

الملف الشخصي · 06-06-2008, 10:20 PM

الشاعر محمد ظاهر الميوبي
.
/
\

.

نظمت لنا هذه الرائعه المشرقه من احساسك الصادق وافكارك النيره
.
/
\
.
محمد ظاهر الميوبي كما عرفناه لايأتي الا بالجزل
.
/
\
.
مــأجمل الاعتراف والوضوح
ياشعر شرفنا عراقنا اليوم ينداس,ـ,ـ,ـ والقدس تصرخ والمشاعر حزينه
.....

محمد ظاهر الميهوبي تقبل مروري وتحياتي,,,,,,