يالله قبل المـوت طالبك تـوبه

الملف الشخصي · 04-30-2008, 05:59 PM

ياالله قبل الموت طالبك .. توبـــــــه = من فيض فضلك .. تب علي واتوبـي
اخطيت والمخطي يخــاف .. العقوبـه = ويخاف عند الامتحان .. الرسوبــي
انا الـذي زادت ذنوبــه .. عيوبـــه = وارجوك تغفرها .. وتستر عيوبـــي
الشيب هبت في (إ)لحانا هبوبــــــــه = والنفس في فعل المعصي .. هبوبــــي
النفس .. في فعل المـعاصي رغوبـه =من طبعها تأمـر .. بفعل الذنوبـــــي
اخوض مع نفسي معارك حروبه = واحيان انا الغالـب ونوب (إ)مغلوبــــي
نوب ٍ تتوب النفس توبه كذوبــــه = وانا احسب ان النفس .. ماهي كذوبـــي
اتوب ثم اتعود نوبه .. و نوبـــــــه = حتــى تلبّسني من الذنب ثوبـــــــــي
طول الامل بالنفس .. هذي سلوبـه = يبعد لها المرمى شمال .. اوجنوبـــــي
يالله .. انــا عبد ٍ تـذكـّـر ذنــوبــــــه = وكادت من الحسرات نفسه تذوبـــي
ماله سوى ذكرك .. يـفرج كروبـــه = يالــي بـذكرك تطمــئن .. القلوبــــــي
يالله انا روحي لعفوك .. طلوبـــــــه = وأنـته كريم ٍ ماترد .. الطلوبـــــــــــي
اول نهاري كنـت ناسي .. غروبــه = والشمس مالـت واشرهت للغروبــي
والموت حـق ومقبلات ٍ خطوبــــه = الله يزيــن مقبلات الغيوبــــــــــــــي

وتقبلو تحيات 0 اخوكم عيد بن قيضي البلوي

الملف الشخصي · 05-01-2008, 12:23 AM

صح ألسانك لاعدمناك

الملف الشخصي · 05-01-2008, 01:06 AM

آميين الله يتووب علينا جميعا

أستاذي العزيز صح الله لسانك وطيب فالك

دمت بوود

الملف الشخصي · 05-01-2008, 03:42 AM

طول الامل بالنفس هذى سلوبه يبعد لها المرمى شمال اوجنوبي

صح لسانك 00 يا ابو عبد الكريم 00شاعر جزل غني عن التعريف

تقبل مروري

الملف الشخصي · 05-01-2008, 12:06 PM

الشاعر الجزل

عيد بن قيضي

سلمت وصح لسانك ..

وسجل اعجابي

بهذه القصيده الشامخه

الملف الشخصي · 05-02-2008, 01:24 AM

بيض الله وجهـــــــــــك عز الله قصيده
ببصمات شاعرها عيد البلوي
سلمت وسلم ابداعك الراقي
هنا أشعلت شمعة الشعر

أخوك- حمود سليمان
احلى تحياتي في مساء هذا اليوم الجميل
من تبــــــــــــــــــوك الورد