قصيدة للشاعر يطلب من الله ان يغيث دياره بالمطربعدالقحط الذي اجدب ديارهم

{ قصيدة للشاعر مسلم مسعود الهريم}
وهذه القصيدة استغاثه يطلب من الله الكريم ان يفرجها على ديار المحل
ويرزقها الله بالمطر الغزير وبواسع فضله :

يالله ياخالق سحابك ومنـشــيـــــه= ياعــالــماًَ غـيـب اللــيــال وقــدرهـا
ياواحد كل المخاليــق ترجــــيـــــه= ياخــالـق الديـره ومظـهـر شـجرهـا
ياللي جميع الغيب تعلم خوافـــيـه =يا مــقـسم الارزاق بــر وبــحــرهــا
ترزق مكانا المحل مبطيا فـــيــــه= من مـزنة غـرا ويسقــيى مـطــرهـا
من البحر تنشأ وبها خير تضفـــيه= عـلى الديـاراللـي وطـاها دهـرهــا
ديره بها الما راح وابعد مجاريـــه= لشفتها عــيــني تــهــامل عـبـرهـا
يبس النخل اللي من العد نسقــيــه =واشجارها اللي كان نقطف ثمرها
الــيوم راح وباقـــــياتاً بواقــــيــــه =ولاجــيـته عـيوني تـزايـد سهرهــا
ارجي من المعبود جزله معاطــــيه =اللـي لـينه راد يـخـضر شـجـرهـــا
يالله ياللي هامد العظم تحــــيــــيــه =لا تـاخذ الديـره بـغـلطة بـشرهـــــا
رحمتك يارب الفرج منك نبغـــيـــه=ياواحــــد ذنــوب عـبـده سترهــــــا
ماترد عبد يطلبك يرفع يــديــــــــه =تـعــلم ذنــوب الـناس وانت تـغـفرها
لك نتوسل والعطا منك وافـــيــــــه =اللـه بــخــير يعــمها ويـعـمـرهـــــا
كل الوطن يالله من الوبل تسقــــيه= نطــلبك ياعـالم خــوافي خــبــرهــا
ياخالق المخلوق يامعتني فــيــــــه =انــك تــزين وضـعها لمن نظـرهـــا
وختام قولي ذكر النبي صلوا عليه= عــد السنين مع الـليال وشـهرهـــا