هذي صفات اهل السيوف المصاقيل

الملف الشخصي · 01-20-2009, 12:25 PM

بسم الله الرحمن الرحيم
اخواني لقد دعاني الاخ / سالم محمد بن عياده الي هذا الصرح الشامخ
واحببت ان تكون اول زياره لي هي وضع قصيده عسى ان تنال على اعجابكم
وشكرأ لجميع القائمين على منتدى بلي الرسمي

مايونـس المجلـس بليـا رجاجيـل = مجلـس بليـا رجـال ماينعنـا لـه
ان كـان ماهـو كامـلا بالمعاميـل = ومتقاسمين الـراي يمنـا وشمالـه
روادت المجلـس رجـالأ مشاكيـل = لهم الفخر وهـم الفخـر والشكالـه
ما فيهم اللي يجلـب القـال والقيـل = اولادعـم وحكيهـم فـي مجـالـه
ساس الكرم والجود ذبا حـة الحيـل = عز الرفيـق اللـي تـردت حوالـه
عوق الخصيم اللي نوى الغدر والميل = يسقوه من سم الصقطري ا بيا لـه
ياما لهم فـي ذروة المجـد تسجيـل = سجـل حافـل بالشـرف والعدالـه
هذي صفات اهل السيوف المصاقيل = اهـل المواقـف مارفقهـم احثالـه
اللي من الجـزلات مالـه محاصيـل = وعن المراجـل قصيـراتً احبالـه
هيسأ ولد هيسـأ قصيـر المناويـل = ماينطـح الــلازم ردي السـلالـه
ماشوقـه نطـح الركـاب المقابيـل = ولاشوقـه ذبـح السميـن الجزالـه
ماشوقـه راع العيـون المكاحـيـل = غرويتباهـا فـي حـلاوة جمـالـه
ماشوقـه عنـد النشامـا التعاليـل = مقابـلأ عـذراه جـالـس لحـالـه
زوله كبيـر ومنتفـخ كنـه الفيـل = يقول انا الفـارس كريـم السبالـه
مايدري ان الحكـي يبغـى مفاعيـل = وحكيأ بـلا مفعـول جبـن ونذالـه
خلـه يولـي جعلـه يشـد ويشيـل = سـلامـةً مـنـه ولاراس مـالـه

اخوكم / عبدالله صالح السميري البلوي