حمدان وين اللي نعزّه ونغليه===ماشفت ابو نايف زبون المسايير؟
ريف الضيوف وريف جاره وعانيه===اللي لضيفه مايحسب المخاسير
ياحيّ هاالطاري إلى حلّ طاريه===من ساس ربعاً يبعدون المشاوير
الله يعزّ البيت ويديم راعيه=== بيتاً وسيع ومدهلاً للخطاطير
الوجه من بعده ترى مالنا فيه===لون الشوارع شجّرت فيه تشجير
لاضاق صدري قول راجي يسليه===تفرح له الأقدام بالمشي وتسير
إن جيت بيته ناجده جالساً فيه===يطرب حجاجه للنشاما المناعير
حلواً نباه وطيب نفسه لناصيه===ماحطّ دون الباب قفل ومسامير
ياالله ياربّي تكلل مساعيه===من قلب له يحمل له تحيه وتقدير
عاجز عن التعبير بالوصف نوفيه===لوجيت اعبّر ماستطيع التعابير
وصلاة ربّي عد مرّت لياليه===على نبياً زاد الإسلام تنوير