اسير الهم في دنيا المأســــــي0000

الملف الشخصي · 10-23-2008, 06:57 PM

بأسـم الله 0 اكتب ياقلمها = ابا بـداها بأسمـه واختتمها
يقول اللي عزاه بشيب راسه = تماثيلا من احساسه نظمها
اخذ من هذه الدنيا دراسه = فهم منها ومنها مافهمها
اسير الهم في دنيا المأسي = اكابد همها ولّلا وهمها
اقيس ولاتجي حول القياسي = واقيمها وتنقص عن قيمها
لسان الحال فالدنيا الدنيه = اخاصمها واحيان احترمها
هموم القلب من بعد العشيه = تجي من كل نيه واستلمها
تعاندني بهالدنيا ظروفي = وتحكمني واحيان احكمها
فاحيانا تبارز بالسيوفي = ونوبا بالرماح وفي سهمها
اشد اعزوم نفسي واتجلد = افـلّ حزام صلبي واحزمها
وانا ماني بهالدنيا مخلد = اجاهد في حياتي واغتنمها
تجاه النفس تسري بي ظنوني = اسىء الظن فيها واتهمها
يهيض القلب وتفيض العيوني = واخاف النفس ماينفع ندمها
انا خايف من اذنوبا تتالت = كبايرها ويرفدها لممها
احس آلامها صالت وجالت = ولا اشكو لغير الله المها
انا اللي لم اكن شيا فيذكر = دهورا فات من قبلي قدمها
فسبحان الكريم الله اكبر = خلق نفسي واودعها نسمها
بنيت بهذه الدنيا مباني = وانا ادري ان هالدهر يهدمها
وعندي علم ان العمر فاني = وارزاق العباد الله قسمها
الآهي يا الآهي تب عليا = فان النفس رافعتا علمها
وان رحمتك وسعت كل شيا = انا شيا عساني ماعدمها
فان عذبتها فالحكم حكمك = وحكمك ياالاهي ماظلمها
وان تعفو فان العفو شانك = ولاغيرك ترجيته رحمها
تغمدني برحمتك العظيمه = ومن فضلك علي يارب دمها
وصلى الله على خير البريه = وباسم الله لابد 0 اختمها

الملف الشخصي · 10-23-2008, 07:16 PM

صح السانك ياعيد على الرائعه

الملف الشخصي · 10-23-2008, 08:45 PM

الشاعر العذب عـــيـــد

صح لسانك مدد بلا عدد

دمت بهذا الشموخ وتحيتي لك

الملف الشخصي · 10-23-2008, 09:28 PM

تعاندنـي بهالدنيـا ظروفـي
وتحكمني واحيـان احكمهـا
فاحيانـا تبـارز بالسيوفـي
ونوبا بالرماح وفي سهمهـا
اشد اعزوم نفسـي واتجلـد
افلّ حزام صلبي واحزمهـا

( شاعرنا عيد مقيضي قراءة حزنآ والم وصراع بين اليأس والأمل )
( اخي الكريم هذه الحياة 0 فشد حزامك واقتل الياس بالأمل وابتسم )

اخوك سعود عقيل