حــــاطب الليـــــل

حاطب الليل

امشي وانا محتار وازل واصيب = ومثـّل احوالي كما حاطب الليل
احيان من فكري تجيني مناديب = واحيان افك عنان شقراء مع الخيل
ولو كنت ماني جاهلا واعلم الغيب = كان اتقي شر السنين المقابيل
ولوكنت اعرف مسببات التسابيب = ادل درب الرشد قدام ماعيل
علمني اللي جرب الوقت تجريب = اللي مخاوي قبل من جيلنا جيل
اللي عوارض لحيته كلها شيب = والشيب باللحيه وقار الرجاجيل
يقول لا تنصى ردي المطاليب = ويقول لاتنزل على مدرج السيل
ون كان مشيك في دجا الليل والريب = ارفع نظر عينك الى الجدي وسهيل
ولاتخاوي اللي فيه تسمع عذاريب = ترى الذي به قالو الناس بك قيـــل
تراك تلقى الطيبه مع هل الطيب = وتلقى مع اهل العلم حكمه وتأويل
وتلقى مع اهل الكذب نقصا وتكذيب = وتلقى مع اهل الصدق رفعه وتبجيل
وتعرف مقامك عند قوم المواجيب = اللي لهم في نظرة الرجل تحليل
والنفس دربها على الصبر تدريب = واحذر ترى الدنيا بعد عدلها مـيـــل

وسلامتكم

يقـول لا تنصـى ردي المطاليـب
ويقول لاتنزل على مـدرج السيـل

صدق
وصح لسانك يابن قيضي
جزل في جميع ماتكتب
رائعه هذه القصيده
وكل بيت فيها
عن قصيده

تقبل مودة
اخوك
عبدالله الوحيشي

صح لسانك ياعيد على حلو الكلام والنصايح المفيدة

جزل كما عودتنا وعساك سالم

صح لسانك اخي عيد الوابصي
جزل في جميع ماتكتب
رائعه هذه القصيده
وكل بيت فيها
عن قصيده
وتقبل مروري
اخوك ... ابو جاسر

من طول الغيبات جاب الغنائم

العم عيد الوابصي

تعودنا على كذلك منك فقصائدك كلها جزلة

ومهما نكب فلن نوفيك حقك .

اكتفي : نسئل الله ان يطيل بعمرك ويرزقك الذرية الصالحة

جعلك سالم و غانم
و الله لا يحرمنا هذه الطلة من شاعر بحجمك

لا هنت أخي الغالي

و دائماً في شوق لجديدك

.