مـن قـدّم السبـت << عبدالله محمود المعيقلي

بسم الله الرحمن الرحيم
.
أعزائي .. رواد منتدى بلـي أقـدم لكـم هذهـ القصيـدهـ للشـاعر / عبدالله محمود المعيقلي
.
أتمنـى أن تحــوز على رضــاكـم وإستحســـانكم
.
.
من قـــدّم السبـت

من يملك القوه القصوى نجا فيها = لو الهلابيش تعلن عن تجافيها
الوقت دوار في زينه وفي شينه = والحكم لله بأولها وتاليها
لاياهجوسن لفتني من بعد غيبه = الدار دارك ودوجي في مفاليها
الضبط والربط .. والأفكار والحكمة = فيها تليق القصيده لي وأغنيها
لاباس ياراس ياشامخ ولايهمّك = مادامك الذيب لاتخشى حصانيها
أنا لها والهبوب اللي بها سافي = تسفي على لحية المرتاب سافيها
يالأصل يالفصل ياتاريخ ياناصع = يالقمة العالية ياأعلى معاليها
ماينرمي بالحصاه إلا شجر مثمر = ومايلعن الوقت غير يدين راميها
يليق فيك الفخر من ساسك لراسك = غصبن عن الناس قاصيها ودانيها
والثاوي اللي بليا أول وتالي = لايحسد الناس في ناموس أهاليها
لانامت الفتنه وغطـت بنومتـها = ملعون منهو على المسلم يصحّيها
الغايبه جابها من غابت فعوله = ماهو عن عيون خلق الله مغطيها
لو جات زلـّـه وراعيها بها نادم = نقول يمكن على شانه نمشيها
لكنها جات عنوه والملا تشهد = وتحرم علينا العمايم لو نعدّيـها
أول قلوب العرب ماهي بمكشوفه = واليوم كلماتها تفضح خوافيها
ومن قـدّم السبت بالتحقير والفتنه = يوم الأحـد نسمل عيونه ونعميها
ومن لاعرف قدره ولا فكر وقدّر = دقنه على غير هدي الله يربيها
تمت ولو عـاد راع الناقصـه عدنا = والحفره اللي حفرها نطرحـه فيهـا

وتحيـاتي وتقديري
.

تمت ولو عاد راع الناقصه عدنـا
والحفره اللي حفرها نطرحه فيهـا

الشاعرالجميل / عبدالله المعيقلي

صح السانك

نص جميل من شاعر أجـ م ـل

سلمت يارضا علي نقل النص

لكم مودتي

ونعم ونعم ونعم ... إلى مال نهاية


ابولمار صح كلّك

عبدالله محمود
.
.
.
أول قلوب العرب ماهي بمكشوفـه
واليوم كلماتها تفضـح خوافيهـا
ومن قدّم السبت بالتحقير والفتنـه
يوم الأحد نسمل عيونه ونعميهـا
ومن لاعرف قدره ولا فكر وقـدّر
دقنه على غير هدي الله يربيهـا

صح لسانك

قصيدة جميلة تحمل معنى عميق

صح لسان الشاعر

وعساك سالم يارضا

رضا


نقل مميز



وصح السان برفسور الشعر عبدالله محمود المعيقلي




كل الشكر