ياخي ما شفتـه مـع السـوق ياخـي... (خلف بن هذال)

ياخي ما شفتـه مـع السـوق ياخـي
ولا ذكـر لـك لـو دونـه مسـافـه

الله يبلـى مـن بلانـي وانـا حــي
بالغصـب طوعنـي بلـيّـا عسـافـه

يا طي قلبي طـي طـيٍ علـى طـي
طي الجرايـد فـي مطابـع صحافـه

عليك يا جافل مـن الريـح يـا ظبـي
يـا شيـن قلبـك مـا بقلبـك مرافـه

كويـت قلبـي كيتيـنٍ عـلـى كــي
بصيـاخ نــار وكلفتـنـي كـلافـه

جرحٍ نجيض وجرح تـوه حـدث نـي
ومامن نيـات الجـرح غيـر الكسافـه

وما يشكي المسكين يا كود مـن شـي
امـا مــرض ولا محـبـة ولافــه

والولف مثل الشمس تلحق على الفـي
وكـم عاشـقٍ نثيـل قـبـره لحـافـه

ومن ناقل الاقوال جانـي خبـر سـي
قالـوا: قمـر عشريـن باكـر زفافـه

وخذت لـي مـده وانـا حـن وابكـي
عليـك يـا سـر الشـرف والنظافـه

قالوا: علامك بك بلى ؟ قلت : وش بي!
بـلاي مـن عـذرى عليهـا الحسافـه

وهي الحسوفه قالوا : الناس من هي ؟
ثم قلت : ما منكم ولا شخـص شافـه

نـوى يغيـب ونيـة الخيـر تـنـوي
وعفت الوطن يوم ادعج العيـن عافـه

وغاب وسكن شرقي جبل حاتم الطـي
ذاك الجبـل قدمـه وسلمـه خـلافـه

يـوم إن بابـور المحـبـه مـرسـي
الله مــن بـحـرٍ تعـابـه وطـافـه

واليوم بطن البحـر خالـي ومصفـي
ومستوصف العاشـق يطـوّل اسعافـه

انت الذي تهـدم غرامـك وانـا ابنـي
بنيـت قصـرٍ كبـر قصـر الضيافـه

قصرٍ يسجل فيه اسمـك مـع اسمـي
ياللـي درسـت المعرفـه والثقـافـه


خلف بن هذال

<div align="center">السلام عليكم ورحمة الله وبركاته .... وبعد


الــعـــثـــمـــانـــي ،،،


قصيده في غايه الروعه .. من شاعر غني عن التعريف ..


أبو عادل لك الشكر لأتحافنا بهذه القصيده

فـــتـــى بـــلـــي</div>

<div align="center">


جميل ما نقلتة أناملك هنا ..
وأكثر من رائع ..
بكل الحروف والمشاعر التي احتوته ..

دمت مبدع ..
ودام قلمك نابضاً بأجمل الكلمات وأعذبها ..
بانتظار جديدك دائماً .. فلا تحرمنا منة

اخوك
محمود الجذلي
</div>

هلا باخي العزيز فتي بلي شكر علي مرورك الطيب

هلا بالغالي العزيز
محمود الجذلي لك القلب اخي العزيز