السمكرة ياعبيد

بسم الله الرحمن الرحيم
هذة القصيدة كتيتها عن صبغ الشيب ومايدور حولة

السمكرة ياعبيد ماهي مغشة=موضة حديثة دارجة صبغة الشيب
أكشخ قبل من يوم عمرك يحشة=تطلع من الدنيا بثوب بلا جيب
فكر ترا الحلاق يقدر يرشة =ويلمع البودي ويخفي عذاريب
ركز على الديكور والكوت طشة=وأقلع عن الدخان واستعمل الطيب
وركب ثنايا والسنافي تخشة=وطق المناظر وأبتسم مابها عيب
ترجع ولد مافية ثرمة وكشة=قبل تخوف ياساتر تقل شيب
تبسط عجوزك واللي تقلط تقشة=وتحلالك الجلسة وعندك أساليب
خلك سياسي جيب همبرغر وعشة=وأضحك معة والناس ماتعلم الغيب
واليا أطلبوك السوق اركب ومشة=لاتنفعل ينفوك تطرد مع السيب
بعض البشر ممنوع بيتة يدشة =في مجلسة منبوذ عند المعازيب
تقول أبوكم لجنا فية وشة=أصبح يوحش عندها منقلب ذيب
وقتن مضى لو كان ساكن بعشة=تقعد معة وتحاكمة لونة يغيب
هذا زمان فية سيفر ودشة=والعولمة واطفال عبر الأنابيب

ركز علـى الديكـور والكـوت طشـة

وأقلع عن الدخـان واستعمـل الطيـب

وركـب ثنايـا والسنـافـي تخـشـة

وطق المناظر وأبتسـم مابهـا عيـب

ترجـع ولـد مافيـة ثرمـة وكـشـة

قبـل تخـوف ياساتـر تقـل شـيـب

تبسط عجـوزك واللـي تقلـط تقشـة

وتحلالـك الجلسـة وعنـدك أساليـب

صح لسانك قصيده جزله فكاهيه اعجبتني صياغتها ابياتها الجميله ننتضر جديدك
دمت في امااان الله

صح السانك ويعطيك العافيه

صح لسان ولاهنت على القصيدة