قصيده للشاعر/سليمان الربيض وقصيده مني اهداء له ولعموم ربعه

قصيدةالشاعر/سليمان بن عبدلله الربيض السبوتي الوابصي

صلو على محمد وزيدو تهاليل
00ومدا عن النفس الشحيحه قدمها
لابت مواهيباً توارى كما السيل
0حماية الحيزا مع الي وسمها
ربعاً لهم كيلاً وحنا لنا كيل
0والوابصي لاقال حاجه لزمها
في مدحهم ليه لهم فيه تبجيل
00ومدحي لهم يزود نفسي عصمها
والشعر يبقى مابقى الصبح والليل
00وفيها المثايل والحكم من سهمها
بين الخزامى والخزامى تماثيل
وزين المثايل بالمجالس طعمها
والرسم مثل الشعر معنى وتحليل
00وكلاً يقول ان شاف حاجه فهمها
رسمه من الرسام زين التشاكيل
لأنه على بيض النوايا رسمها
شجره خلقها الله على دلة النيل
00وسط النشيفه والروابي حممها
شجرة زرم شجره ثمرها من الهيل
ومنصور في عالي إعضدها علمها
شجرة ذهب صافي من رجاجيل
0دوحة سراحيناً قديماً كرمها
دوحه تعالى فرعها نية سهيل
وعروقها صم الحجر ماقسمها
في ظلها سيوف وزل ومعاميل
ونار وملح وكوم مايل شحمها
سعدهويمل زاد فيها القناديل
وبالصفحه البيضاء رسمها وختمها
وقدم لها هيلاً وقدم لها حيل
والله يبيض وجه مثله حشمها
وصلو على محمد وزيدو تهاليل
0ومدا عن النفس الشحيحه قدمها

وهذه قصيده مني اهداء للشاعر سليمان وأخرين وعموم عشيرة وابصه العزيزه

المدح برجال النقى والمواجيب
00تفخر به القيفان في كل ميدان
وانا كتبت من القوافي مكاتيب
00وارسلتها للي لهم بالنقى شأن
العزوه الي كسبهم دايم الطيب
0متقاسمين المرجله مثل الآخوان
ياوابصه عندي وعند الأجانيب
راياتكم بيضاء على مر الآزمان
إن جيت لهل الكر يقروك ترحيب
00متوارثين المجد طلقين الأيمان
لاجيت بيت الشيخ تلقى معازيب
00هذاك ابوناصر للأمجاد نيشأن
وابن رخيه مجلسه شمس ماتغيب
0تضرب به الآمثال قولاً ببرهان
وان جيت للي بالعشى ينادي الذيب
تلقى الربيض بن عبدالله سليمان
وبأهل بدا مايلحق الشك والريب
0يكفيك رأشد بن حمد نسل قرفان
صيته قديم ومعتلي بالمراقيب
00ضاري على الطوله سلايل كحيلان
وكل النشاما للمعالي مناديب
0كلاً على عانيه في كل الاوطان
اقولها باسمي وباسم المواهيب
00لهل النقى مني تحيه وعرفان

يعطيك العافيه اخوي سعد على والله قصيده رائعه وانا استمتعت بقرائتها

الشاعر سعد السرحاني
صح لسانك ولسان الشاعر سليمان الربيض
قصائد رائعه من شعراء متميزين
لك احترامي وتقديري

ابونادر
صح لسانك ولسان الشاعر سليمان الربيض

ألاخ الشاعر / سعد السرحاني

صح لسانك كفيت و أوفيت ياذيب المواهيب
وصح لسان الشاعر الكبير سليمان عبدالله السبوتي

أستمتعت بقراة هذين النصين

من شعراء كبار بوزنكم

تقبل مروري المتواضع

الغادي

صح السنتكم

قصيدة ورد

من درر القصائد

تستاهل الاطراء ياابو نادر ولايهون الشاعر سليمان