حبيــــــــــــــــــتها

مصافحتي الاولى لهذا الصرح الشامخ

بسيطه وارجوا ان تنال ولو قسطا بسيطا من اعجاب ذائقتكم

لكم

حبيتها

ذكرى سعيده وذكرى مالهـا داعـي = وذكرى على بابها الاطلال اناظرها
كني لوقتن مضى يدعينـي الداعـي = والنفس كنك على التلويع جابرها
ذكراه نادت وانا نصيتها ساعي = وظمتني بشوقها و النفس خابرهـا
وغديت للهم والهوجـاس مطواعـي = نفسي قبلتـه ورضيتبـه يسايرهـا
نفسن من الود فيها اشكال وانواعـي = ومن الغلا والهوى خسرت تجايرها
بأسباب غرون شبيه البدر لماعي = غشا البسيطه بنوره يوم زاورها
حبيتها وللغـلا مدخـل ومطلاعـي = الغيتها كلها مـن شـان خاطرهـا
حبيتها ليـل دامـي اسهـره واعـي = وحبيتها عين دامي فـي محاجرهـا
حبيتها وبـل دامـه قلبـي القاعـي = وحبيتها دام يحيي النبـت ماطرهـا
حبيتها سر وسـط النـاس ماشاعـي = وحبيتها ملهمه لاحساس شاعرهـا
حبيتها لحظتن فيها اطرب اسماعـي = وامتع العين في اجمـل مناظرهـا
حبيتهـا مسكنـي داري ومرباعـي = ما مربي يوم ضاقت بي معابرهـا
حبيتهـا لقمتـن فـفـواه جيـاعـي = وحبيتها نجمتن في الليل اسامرهـا
حبيتها حجـة البرهـان واسناعـي = وحبيتها سالفه تخفـى مصادرهـا
حبيتها وجه زيف ودجـل وخداعـي = وحبيتها سكرتن روحـي تخدرهـا
حبيتها كنز حوله هوش وصراعـي = وحبيتها مشكلـه زادت مخاطرهـا
حبيتها كثـر مرواحـي ومرجاعـي = ومهما حصل فالغلا ماني بعاذرهـا
واحبها والغدر ماهو مـن اطباعـي = ماخونهـا لوتنـزل فـي مقابرهـا
ماهمني جاهلن قال الزمـن ضاعـي = عليك وانته تحاول كيـف تخبرهـا
مايدري ان الحبيبه تفهـم اوضاعـي = وتخضع لأمري وانا انهاها وآمرها
وان التلاقي اكيـد دروبـه وساعـي = واليوم جتنـي تبشرنـي وابشرهـا
بان المفارق تـرى عـود تجماعـي = ربي بعد عسرها بأمـره ميسرهـا
ويابعد مهما تسبب جرح وصداعـي = عند التلاقي تحسب من صغايرهـا

وسلامتكم

ســلــمـــت يـــداك اخــي نــايــف الــــروقـــي

صح الله لسانك اخي

نايف الروقي

قصيده معبره وفي غاية الجمال

والله يحييك

ولك الموده

اخوك

عبدالله الوحيشي

ارحب

يالروقي وحياك الله من ممشاك ليا ملفاك


والف صح لسانك

مصافحه أولى اكثر من رائعه


سجل أعجابي


وبشوق نتطلع لجديدك


دمت كماتحب

ودمت بخير

لو علمت الدار بمن زارها فرحت ::: واستبشرت ثم باست موضع القدمي
وأنـشـدت بـلـسـان الـحـال قـائـلـتـاً ::: أهـلا وسـهـلاً بـأهـل الـجـود والـكـرم

نـــــايــــــف الـروقـــي ،،

أهـــــــــــــــــــــــــــلا ً وسهــــــــــــــــــــــــــلا


أسمح لي بأن أحييك .. وأرحب بك

فكم يسرنا ويسعدنا انضمامك لعائلتنا المتواضعة التي لطالما ضمها منتدانا الغالي على قلوبنا

وكم يشرفني أن أقدم لك .. أخـوتنا وصداقـتـنا التي تتسم بالطهر والمشاعر الصادقة

التي تنبع من قلوب مشرفيّ وأعضاء هذا المنتدى السامي

وكم أتمنى أن تتسع صفحات منتدياتنا لقلمك وما يحمله من عبير مشاعرك ومواضيعك وآرائك الشخصية التي سنشاركك الطرح والإبداع فيها

مع خالص دعواي لك بقضاء وقت ممتع ومفيد

وأشكر لك اختيارك هذا المنتدى الذي أتمنى أن يكون اختيارا ً موفقا ً

وفـــــي خـــتـــامــــي

لك مني كل التقدير والاحترام فتقبل شكري وتقديري

أخــــــــــــــوك،،،

فـتـى بـلـي ... سـلـمـان الـعــــــرادي

	أهلاً و سهلاً بك بين إخوانك مصافحة و لا أجمل رائعة بروعة حضورك هنا ننتظر جديدك يا هلا بك