شعر الشاعر بن جدلان (( شعبي ))

هذه قصيدة للشاعر الكبير المعروف ســعــد بن جدلان الأكلبي

ياللي على شان معكازي تبيـن لـي
رجلي على حالها وانا علـى حالـي

والكسر ما هوب في رجلي علي كلي
وانت السبب في الغرابيل اول وتالي

تكفي مراسيلنا العجـلات يـا خلـي
عن مخذ الاخبار والا شوف الازوالي

قلبي وقلبك توصل لك وترسـل لـي
والله انها اشد من موجات الارسالي

ردن سلامي عليك وجن وقالن لـي
انك ترحب وانا في خاطـرك غالـي

ليت الغرابيل جتني مـن عـدو لـي
إن ما تقاضيت والا بيتقاضـى لـي

لكن من واحـد ذكـره غنـاة لـي
ما زلت احبه,, وابا احبه ولا ابالـي

لامر طـرق بخدراتـه سـلام لـي
كنه يسلـم علـي بصوتـه العالـي

خلوني اسج عن موضوعه احسن لي
والا الغلا,, والله ان يبطي هو غالي

صح لسان الشاعر ابن جدلان ,,

ولك الشكر على حسن اختيارك ,,

نشكرك على انتقاء جزل القصيد ونقل مثل هذه الروائع

ولكن نتمنى تنزيلها بقسم جزل القصيد المنقول بدلٍ من صفحة الشعر الشعبي العامه

شكرا على المرور