الجزالة مال :: قصيدة للشاعر براك الجربا يمدح بها قبيلة بلي << روووعة

هذه القصيدة قيلت في مدح قبيلة بلي

وهم يستاهلون المدح

. : وهي أول مرة تنشر في النت : .

الجزاله مال والمخرج ملي
والمعز الله والله الجليل

وان بغيت اقول شعري في بلي
والله اني لا خذ القاف الجزيل

لا بغيت القاف ما يصعب علي
غصب يمشي لسراط ولا يميل

بين قافي والقلم نوع غزلي
الهبيل اللي تولع بالهبيل

القوافي مثل زول العندلي
والقلم فارس على بنت الاصيل

كني اصرف من رصيدٍ ممتلي
يوم بعض الناس ماعنده حصيل

شمري ٍ وافتدي بروحي هلي
دون عرضي ياولد سيفٍ صقيل

مخلص ٍ لله قولي وعملي
ولا ازكي نفسي والرابح قليل

راجيه يغفر خطايا وزللي
عايذن به عن هوى ابليس الضليل

بعد هذا اخترت للفرجة شلي
سيف وجه ارجال مقدام فضيل

البليهي مسندي يابو علي
دوك خطي وانت رجالٍ دليل

وصله لهل المقام المعتلي
راعي الفزعة سليل من سليل

عاطف اللي لو اعده من هلي
من غلاه القى مكانه بالطويل

اما بعد اما قبل اما يلي
ياصلاة الله على طه الخليل

يابيوت الشعر هلي واهملي
وانزلي مدح وثنى بهل الجمل

يابلي ياهل المكان المدهلي
القبال الزين والظل الظليل

منسى يوم ٍ بالعلا يوم اعتلي
قمة سميتها الطب البديل

تبري الجرح القديم المسملي
منظر خلاب مع جو ٍ العليل

العلا بنت ٍ تجر المخملي
زينة عطرا تبختر بالشليل

كل اهلها من رجال ٍ تفعلي
العلا ياعلها دايم تسيل

الذهب يشغل بوسط المعمل
والرسول اثنى على الرجل النبيل

والعفن ودك من المخبا خلي
وان قريت اسمه تزيله في مزيل

ودك العفنين نطليهم طلي
يكرم الطيب ليا قيل البخيل

العفون المدح عنهم يجفلي
مالهم بين المدايح من سبيل

لكن الطيب اذا جالك ولي
مثل غيثٍ يعجبك جاله هميل

والله إن الجوال مليان ملي
من ارجال ٍ تشتري فعل الجميل

يوم انا والجيب فوق المعتلي
بالعلا ياعلها دايم تسيل

ماطرالي غير حري وجملي
الصديق اللي طرالي بالطويل


اشهد ان الطيب لحظة وصملي
زبدة الموقف يطلعها الصميل


شاقني عاطف رفيع المنزلي
والمواقف له مقال وله مقيل


وان بغيت اقول شعري في بلي
ما خذيت إلا من القاف الجزيل


والصلاة اختامها فيما يلي
يا صلاة الله على طه الخليل

</b></i>

للشاعر

براك بن صالح الجربا

صح لسان الشاعر

والنعم وسبعة انعام بشمر

مشكور على النقل

الجزاله مال والمخرج ملي
والمعز الله والله الجليل

وان بغيت اقول شعري في بلي
والله اني لا خذ القاف الجزيل


صح لسان براك الجربا
ا
شمري ٍ وافتدي بروحي هلي
دون عرضي ياولد سيفٍ صقيل
والنعم بشمر

شمري