الــــشــعـر جــبــتــه ..

ساقتني الذكرى وانا اسوق فكري=والشوق من عيني توريه الاهداب
على عشيرن كان في وسط صدري=واليوم عن صدري وعن ناظري غاب
اكبر قهر لاصار لك شخص يطري=بينك وبينه درب وسلوم ورقاب
لاهو قريب تقول لاعل يدري=بعيد مايدري عن الصب لاذاب
على البال يمحمد وماعاد بدري=كم ضيعت عذرا وكم ضاعت اشناب
بعيد عن شاربك ياهيه بدري=دامك تغني الشوق والحب غلاب
ودام العلوم اخلاف والراس فطري=وش خانت مقفي بلا سرج وركاب
أنا ليا شميت ذلي بعطري=شبيت بثيابي وحطمت الاطياب
لي كلمتي لا قلت والفعل عذري=ولي ميسمين يظرب على تلع الارقاب
يغنيني عن كثر الكتابات شطري=حتى ولو طول قصيدي وماجاب
الشعر جبته مير ماهوب حصري=عادي اذا عينت له حقد وعجاب
ماجيت احاول فيه وابيع وشري=لا ياسعد صحصح وحاول بالاعراب
الوزن وزني والشعر عاد شعري=مافيه مفتاحن فتح كل الابواب
حلات منهو زار ثم قال أبسري=خفف ولا جاله من الخاطر اعتاب
مع خالص التقدير وان ضاع قدري=أرقا وحدر به على كل مرقاب
يالله عسى يقوى مع الناس صبري=وصبر على شين يجيني من اقراب

الأخ العزيز/رائد

جميله اطلالتك بالقصيده الأولى وهذه القصيده ايضاً لو انك اعطيتها حقها من التنسيق والمراجعه لكي لا يختفي شي من جمالها ولي وقفه معك في بعض الأبيات عند لقائنا انشاء الله

أنا ليا شميت ذلي بعطري
شبيت بثيابي وحطمت الاطياب

كما لا يفوتني ان اقف عند هذا الأعتزاز بالنفس من خلال هذا البيت الذي يساوي في وجهة نظري قصيده كامله.

دمت بخير وعلى الخير نلتقي

اخوي رائد السرحاني



صح لسانك وكلك



وبالفعل من خلال هذه القصيده لقد جبت الشعر بأجمل ما يمكن



اعجبتني هذه القصيده جداً جداً



وحفزتني على متابعتك اول بأول فلا تطيل الغياب



تحياتي وتقديري لك

قراءة شعراً رائدي يطرب المتذوق



صح فكرك وقلبك



أطيب المُــنــى ،،



سلمان العرادي

*

سجلني يا رآئد من متابعيك

فمن يكتب بهذا الرقي والروعه يستحق أن يخلد إسمه على جبين الذائقه

بسآطة كلماتك وعفويتها أضفت على النص جمآلٌ آخر

لله درك وصح فكرك

ولا تطل الغياب فـ كلنا بـ إنتظآرك

صح السانك ياابن العم

شعر ودرر وآنأمل شاعر مبدع

سلمت يالغالي