يارب لطفك

يارب لطفك بالضعوف المساكين = نطلبك ما نطلب وزير التجاره
تقاسم التجار قوت الضعيفين = في غفلة الشورى وقوم الوزاره
كلن تقلد له مسنه وسكين = تعلموا فينا فنون الجزاره
ارباحهم منا تعدا الملايين =ونصيبنا منهم نصيب الخساره
اللي يمر السوق وأهل الدكاكين = يلقى العلوم اللي تفت المراره
والله يالولا الناس عاشت على الدين = بعض الاوادم مايعشي صغاره
يأهل العقول اللي تعرف القوانين =النار سبتها من اول شراره
الفقر اشد من الوبا والطواعين = ويكسر جناح اللي بقلبه حراره
يالله يالمعبود ياحافظ الدين = تصد عنا كل هجمه وغاره

الله يعطيك العافية على هذه الرائعة

أجدت وفقك الله

و الله حسيب كل جشع و طماع

أخي أبونادر00 أشكرك على مرورك السريع وردك الجميل وفقك الله لكل مايحبه
ويرضاه0

الله يوفقك وأنشهد أنك صدقت يالغالي
والله يكفينا شر الطماعين والجشاعين

آآآآآآآمين


غزير الإحساس أخي الكثير



والله يعين ويساعد



.

بارك الله فيك وصح لسانك قصيده فعلاً تلمس همومنا