غيبة الأصحاب

الى احبابي في هذا المنتدى الغالي بعد الغياب

مع خالص حبي تقديري واعتذاري

علمتني غيبة الأصحاب وش معنى الصمود=في ليالي تنهك الرجال وتعكر صفاه
يوم تصبح حاجة الرجال بيدين الحسود=صعب يطلبها والاصعب يوم ماعنها غناه
حينها تصبح له الدنيا متاهات وقيود=وحينها ارضه تضيق بوسعها وتضلم سماه
وحينها تكشف له الأيام وش خلف السدود=وحينها يعرف من اصحابه ويعرف من عداه
حثحث ركابه لجل يارد على ذيك العدود=راح وارد في ضماه وعاد منها في ضماه
ودامها راحت من الحافظ ليا بيت الجحود=كيف نبكي امسنا اللي مانفع منهو بكاه
طاحت اقنعة التصنع وانكشف كل معدود=استوينا فوق جردا وكل رجال وخفاه
ماثبت غير الشجاع ولختفا غير الشرود=ليمتا يردى بنا الرجال ونستر رداه
اكتشفت ان الزمان اللي مضا صعبه يعود=واكتشفت ان الحرامي نوب من نفس الحماه
واكتشفت ان الجبال الصم ماتنبت ورود=واكتشفت ان اجمل ايام الرجل باول صباه
واكتشفت ان اطيب الجيران من حط الحدود=واكتشفت ان الرجل نوب يتعلم من خطاه
واكتشفت ان اطيب الحجات حجه بالشهود=وان فعل الرجل في دنياه مقياس لغلاه
قلتها وهموم قلبي من عنا وقتي تزود=سقتها في حسن نيه ماتمسكت بوصاه
لين صرت من اكثر الأصحاب محبط ومهدود=من بعد مارسلت لي صوتً ولاجاني صداه
لكن الأصحاب دايم في نزول وفي صعود=والرجل مايكشفه غير الرجل لامن نخاه

لهذآ القلب الطآهر
،،
((وردة حمراء))
،،
لهذآ الخ ـآل الغ ـآلي
،،
(( قلب ينبض ))
،،
يوم تصبح حاجة الرجال بيدين الحسود
صعب يطلبها والاصعب يوم ماعنها غناه
حينها تصبح له الدنيا متاهات وقيود
وحينها ارضه تضيق بوسعها وتضلم سماه
،،
أع ـجبني هذآن البيتـآن
،،
كـن بخ ـير
،،
(( إبنـك ))

صح السانك

وياهلا وغلا

ماتغيب الا تجيب لنا من الطيب زووود

تقبل تقديري

اكتشفت ان الرجل نوب يتعلم من خطاه...
صح لسانك يابن العم..

ابو ريان صح السانك
قصيده جزله من شاعر جزل

صح لسااااااانك