جيت ألبــي (قصيدة )

جــــيت ألبي

جــيت ألبي دعــوة اللـي لا دعــاني جـيت ألبي ....
ما اعـتذر مـن رفـيع القـدر يـوم انه دعاني
يـا ركايب بالأشــده مـع ســماح الأرض خـــبي ....
فـالــديـار اللـي شـــمالية لنا ضـلعا ً زبـاني
ضلع شامخ ما يهـزه والهـوى صـلف المــهــبي ....
والسـراج اللي شـعـلته كـَنْ نـوره عقرباني
نـور ســاري بالـمــزون اللي تـدلت تِــقـْــتـربّي ....
سال وادي بعد وادي وارتوت كل المحاني
بارك الله في ســـحـايب مـن مـناشـيها تــصــبي
غـيثٍ مغـيثٍ يغـيث الأرض ويزف التهاني
واخصبت بأرضٍ خصيبه من خصايصها تهـبي ....
ريـح عــزٍ واعــتـزازٍ وافــتـخاراً بالمـعاني
حِـروة اســبـوعــيـن ولاّ اقـَـَل واديـه اســتـربّي
غطت البذره خصاب الأرض عرق القيحواني
وابـن كـــايد للــنوايـد والكــرم والطـِيب شَـــبي ....
بارك الله بالرجال اللي لـهم بالطِـيب عـاني
وبـيـر تـيـمـا كل تـيـما تـرتـوي مــنـه وتـغــبـي....
وانت زايد يا ابن كايد فوق هـداج الـسواني
وكل ربعك نفس طبعك ما به شيى ٍمـسـتخـبي ....
طـيبكم ضافي وشافي من جديد ومن زماني
والمــدايـح بالـرجــال اللـي كـماكـم تـلـتـهــبـي
تحرق اللي عن علوم المرجله عـشره ثماني
والكتـاب اللي قــريـتـه عــندكم بلــسـم وطــبي....
في وجيه اهل الوفا والطِيب واضح ما خفاني
من قـديم الوقــت قـالوا طـيـبكم ســاس وتـِربي ....
لوعـليلٍ في فـراشي قـلت من العـلة شـفـاني
مـا تغـيـر مـع تِغِـيـر وقـتـنـا اللي مـــشلـهــبـي .....
راعـي الوقــفات ثابت مـا يـغـيـره الزمــاني
والـشــهـادة لا شـــهــدنـا لا تــطـق ولا تِــذَبّي ....
من قـديم الوقت علم الصدق أمانه في لساني
والله انـي يــوم أوَجّـــه يـمـــكم يــزداد حِـــبي ....
بالطـريـق اللي يوصـلنـي لكــم والله هــداني

قصيدة جزلة من شاعر كبير

ويستاهل سعود ابن كايد هذه القصيدة