الي يحب الفرفشة والوناسه
وين الخوي اللي بعيده هقاويه=اللي يحب الفرفشه والوناسه
مره يوديني وأنا أحياناً أوديه=ماهو بخيل ولا بقلبه نجاسه
بعد الصلاه أشب ناري وأقهويه=أصب له الفنجال وأعطيه كاسه
من بعدها كنك عليه موصيه=دكتور نفسيه وعنده فراسه
برنامج الرحله بذمه يسويه=مايفصله حسب هواه ومقاسه
يحرك الموتر قبل مايحميه=ماهو كسول إلا مشى يحط راسه
عسى الردي لأنه مشى مايخاويه=تصيبه الزكمه ويكثر عطاسه
لأنه وقف عند المحطات يلهيه=يأكل بطاطس لو تحرسه حراسه
الله يرفع عنه والله يهديه=أخاف نشمت به تجينا أنتكاسه
رد مع اقتباس
المفضلات