صح لسانك وصح لسان راع القصيدة
أمتعتنا بها والله ساسمي
إبداع ووصف معجز
وبلاغة لامحدودة لاهنت
دمت بخير
وكل عام وانت طيب
قصيده من قديم الوالد اتمنى ان تنال اعجابكم
واقلبي اللي فيه تسعين تفكير = وروابعن عقب العشا يدهلنه
ميه مواريداً وميه مصادير = وميه يعالجهن وهن عالجنه
وياجر حالي جر دلواً على بير = من فوق صعباً والجنوب اضربنه
تقطعت من عاليات النواعير = الحبل يطلع والدليّ اعقبنه
على عشيراً حط بالقلب له كير = يشب جمراته لاما احرقنه
وجدي عليها وجد راعي مغاتير = شقحاً ومرباع الخطر يدهلنه
صكو عليها الصبح قوماً مشاهير = ومداسهم عكف المخالب يجنه
من عقب ماهن ذود راحن بعاثير = الكل قسمه خمس ماقنعنه
او وجد من عند غروساً مباكير = تسعين حلوه والقليب افقدنه
انهد جاله والسبب قطعت السير = والأرض رمله والغروس اتعبنه
او وجد من حطوه بالسجن تعبير = حكمه ثمان اسنين رغماً يجنه
عليك ياراع النهود المزابير = وشقر الذوايب لا نقضهن كسنه
والعين عين اللي ربت بالعناقير = حرار بالمرقاب ما فارقنه
والردف شط اللي متيه على ضير = ثنتين يتبعهن وهن يتبعنه
بيني وبينه ماتجوز المسايير = حَسَب ضروفي والضروف امنعنه
لو يرفع الشيله ويبد الازارير = اعقل رجال المنطقه صوبنه
راكان كان انك تحب الغنادير = البيض كم من واحداً لوعنه
يركن على كبده حدود المناشير = وعقب الغلا يا ابن جبل يرخصنه
لونك تعاديهم بجيش وطوابير = واغرقت مركبهن فهن يطلعنه
ويعزرنك باخر العمر تعزير = واللي بقى من ضامرك يطعننه
ويخدرنك بأبرت البنج تخدير = وخط العداله عمرهن مامشنه
وجور الهوى مذكور بكتيب الزير = وبصري طواريق الهوى شيبنه
وابن سبيّل شاف عج ومعاصير = يطرد ورى مضهورهن واتعبنه
ومحمد القاضي وابن زبن وعمير = وجديع ابن هذال كم غربنه
الشاعر\ رويشد بن عبدالله السميري
صح لسانك وصح لسان راع القصيدة
أمتعتنا بها والله ساسمي
إبداع ووصف معجز
وبلاغة لامحدودة لاهنت
دمت بخير
وكل عام وانت طيب
ليت دربي ودربك يلتقوا .. لو بحفرة
إحسب انّك حبيب وتحسب انّي معادي
=الشاعر الاخ سلطان السميري=لك وحشه افد تنا في هذه القصيده الشكر موصول للوالد ادمه الله ومتعه بوافر الصحه ووفقك ===ارجو تقبل مروري
=محبك ابوسامي
سلطان السميري
صح لسانك ولسان صاحب القصيده وانا اخوك على هالقصيده الطيبه وسوف ننتظر جديدك القادم بفارغ الصبر والى الامام ان شاء الله
اخوك ابوسطام
الله يعطيك العافيه يا سلطان السميري
وصح لسان الشاعر / رويشد عبدالله السميري
قصيدة جزله من شاعر جزل , اتمنى ما تكون الاخيره .
تسلم ودمت بخير
اللهم ارحم والدي واغفر لهما
صح لسانك ولسان والدك .. على هذهـ المعاني المملؤهـ بالجزاله
أطيب المُــنــى ،،
سلمان العرادي
الذين يشاهدون الموضوع الآن: 1 (0 من الأعضاء و 1 زائر)
المفضلات