قِمنا نحَسِّب نَحْسِب الطول و العرضْ=وِدْنا نْعَرْف ابعد مِسافَه في هالكون
البعض قالوا بُعْدَ الإنسان في الأرضْ=عن السّما في عِرْف عاقل و مجنون
و البعض قالوا والقمر نَضْرِتَه وَمْضْ=مايشوفها حوت(ن) بالأعماق مسجون
والقول ماهو من سواليفنا فَرْضْ=ابعد مسافه حُب ميّت وَ مَدفون
مابين قلب(ن) ينبِض بعشقها نَبضْ=و قلبَها ينبِض لغيره و مرهون
غَضَّت مشاعر بعد ماحسّها غَضْ=و الدمعه تاهت مالقت لجلها عيون
فاضت ولامت بعد ماشوقها فَضْ=لامت بقاف(ن) للمشاعر و موزون
إقصد يا شاعر و القوافي لها رَضْ=في كل وادي بالقوافي تِهيمون



من همسي


خالد البلوي