{ هذا خـــطاي } جديد .. عايد السميري

!

!

صوت الملامه لــــرتفع يفتح >> أبواااب = على الحقايق بين يوم(ن) وليله
ثم أرمي الشرهه على وجيه الأصحاب = وأسري وأنا ( أبو زياد ) راع الأصيله
لن الخطاء لو صوب القلب ما صاب = والصايبه طاشت ولو هي ثقيله
ولا أدري خطاي إني ما أجامل على حساب = أكسب رضاء اللي جو لنا بالهزيله
والا .. لأن الصدق له مخلب وناب = وأدمى كبود أهل الكبود الغليله
كذا .. كذا .. ماعاد لي آي مجناب = يامشعل الفتنه براس الفتيله
أسمي يكفي عن كثيرات الألقاب = ما جيت أدورها وأنا لي قبيله
ولي منهج أمشي به ولا أمشي بلا .. اسباب = وكل(ن) بمنهاجه وعقله دليله
أرفع نظر عيني على راس مرقاب = وآصل وياكم واحد(ن) طاح حيله
شاعر وشعري ما أكتبه ودي إعجاب = ولا همني من قال دره جميله
شعري هجوس أهيجنه (همّ ) وإن غاب = أشتاق له شوق الخليل إلخليله
أصدق من أدموع المفارق للحباب = وأطهر من الغايه اليا أصبح وسيله
غموضه إيبين لي وجيه الاغراب = وحرفه عزاه إنه كبر قبل جيله
كبر وهم شابو وهو تو ما شاب = وأطيبهم اللي هقوته ما تشيله
لكن بهيجن .. ينفتح / ينقفل .. باب = صوتي يرد الذاكره للجزيله

* عايد الســــميري


18 / 7 / 1431 هــ

أسمي يكفي عن كثيرات الألقاب
ما جيت أدورها وأنا لي قبيله
ولي منهج أمشي به ولا أمشي بلا .. اسباب
وكل(ن) بمنهاجه وعقله دليله

.الشاعر الكبير / عايد السميري

والنعم فيك يا الاصيل

صح لسانك ولاهنت قصيدة جزله من شاعر جزل ..

ــ

لي الشرف اني اول من يرد

ودي للجميع

سعود السحيمي

أسمي يكفي عن كثيرات الألقاب =ما جيت أدورها وأنا لي قبيله
ولي منهج أمشي به ولا أمشي بلا .. اسباب = وكل(ن) بمنهاجه وعقله دليله
أرفع نظر عيني على راس مرقاب =وآصل وياكم واحد(ن) طاح حيله
شاعر وشعري ما أكتبه ودي إعجاب =ولا همني من قال دره جميله

كفو كفو يابو زياد بارك الله فيك على القصيده الراقيه

لك ودي وتقديري

ونعم فيك يا أبو زياد وصح لسانك


تغيب وتجيب بيض الله وجهك


والعذر والسموحة منك يا وجه الطيب


في تقصيرنا معك

أشهد بالله أنك راعي أصيله


هذا الشعر ولا فلا



أطيب المُــنــى ،،


سلمان العرادي

!

!

أسمي يكفي عن كثيرات الألقاب = ما جيت أدورها وأنا لي قبيله
ولي منهج أمشيبه ولا أمشي لإسباب = وكل(ن) بمنهاجه وعقله دليله
أرفع نظر عيني على راس مرقاب = وآصل وياكم واحد(ن) طاح حيله
شاعر وشعري ما أكتبه ودي إعجاب = ولا همني من قال دره جميله
شعري هجوس أهيجنه (همّ ) وإن غاب = أشتاق له شوق الخليل إلخليله
أصدق من أدموع المفارق للأحباب = وأطهر من الغايه اليا أصبح وسيله
غموضه إيبين لي وجيه الأغراب = وحرفه عزاه إنه كبر قبل جيله
كبر وهم شابو وهو تو ما شاب = وأطيبهم اللي هقوته ما تشيله
لكن بهيجن .. ينفتح / ينقفل .. باب = صوتي يرد الذاكره للجزيله

* عايد الســــميري
18 / 7 / 1431 هــ

اسمي يكفي عن كثيرات الالقاب
ماجيت ادوّرها وانا لي قبيلة



البيت هذا للذاكرة

ونعم فيك ياعايد
وصح لسانك اللي عودنا على الجزيلة



إذا ما أخطأت بالقراءة أظن ان هناك خطأ مطبعي في ( لي منهج امشي به ولا امشي لإسباب) أظنك تقصد ( ولا امشي بلا اسباب) !!

أجمل تحيَّاتي وشكري لك جزيلا جزيلا