الحزن خيم فوق شبة الجزيرة..

بسم الله الرحمن الرحيم

السلام عليكم ورحمة الله وبركاتة..

هذة القصيدة في المغفور لة بأذن الله ..صاحب السمو الملكي سلطان بن عبدالعزيز رحمة الله..
وأن يلهم الشعب السعودي الصبر والسلوان..

الحزن خيم فوق شبة الجزيرة = ذاع الخبر منقول بدري بالأخبار
بيان للديوان صدمة جهيرة = علماً يهز أعصابنا المسلم انهار
ياخادم البيتين ساعة عسيرة = الله يعينك لتحمل فيما صار
رحيل أبو خالد خسارة كبيرة = تنعى فقيد المملكة كل الأقطار
الموت حقً بالحياة القصيرة = صبر جميل الشعب يؤمن بالأقدار
العبد مهما عاش هذا مصيرة = من خلقتة مكتوب رزقة والأعمار
حقة علينا نقول ربي يجيرة = ماينعرض سلطان وجهه على النار
في جنة الفردوس يفرش سريرة= بسندس موجود فيها للأبرار
حلال حلحيلاً سليماً ضميرة = رمز المروة مايتكبر اليا زار
مشهور بالبسمة يهابة نظيرة = يعقد صداقة ويتضامن مع الجار
شيخاً كريماً لة محاسن كثيرة = ماتنحصي مافية مثلة ولا صار
أبو اليتامي والشعوب الفقيرة = مثل الأبو للشعب ملفت للأنظار
لأجل الوطن والجيش واصل مسيرة = رغم الحروب الباردة وحرب الأقمار
مهما حصل مافية شي يثيرة = محبوب عند الشعب لكبار وصغار
هذي تعازي لكل أمير وأميرة = ماينحصر سلطان فعلة بالأشعار

فعلا الحزن خيم فوق شبه الجزيره برحيل سلطان الخير ...........

الحزن خيم فوق شبه الجزيره=ذاع الخبرنقول بدري بالاخبار