نياشين الآمال

هذه قصيدة كتبتُها عن احداثِ الشامِ المؤلمة

( نياشين الآمال )

لاباس ياشام الملاحم والأبطال
يامعركة مؤته وياجيش حطين

ياجيش خالد يانياشين الآمال
يانبتة الزيتون يامنبت التين

من وين نبدا والخطاوي بالأميال
نبداخطاوينا ونمشي عزيزين

نرفع كفوف يدين يامغير الحال
تنصر على بشار جيش الغريبين

كسرى وقيصر جابهم وعدَّ دَجال
وحنا على وعدالله اللي له ندين

أبناء متعه قادهم نذل وأنذال
على ثرى شام المحبه قرابين

يقودهم سرب وزرافات وارتال
نحو الهلاك ونحو خسرانً مبين

ياهيه وين انتم على وين ياهزال
على قضايانا لبستم نياشين

شيطان حزب إبليس كذب على أجيال
واليوم بان الحق وعلومه تبين

شبيحته سوو تهاويل وأهوال
من فعلهم تندى جباه المصلين

وإيران تبني للطموحات تمثال
تبغى تعيد أمجادها يامسلمين

بولاية الانذال وبعصمة الآل
شرو عقول المفلسين المجانين

عُباد نار وحولهم تنصب حبال
حبالهم عباس مع خنجر حسين

الشام فالتاريخ دره للامثال
تحطم آمال الغزاه الملاعين

ودمشق يعشق خدها كل رجال
يعرف حدود الارض وأصل التلاوين

دمشق نبراس الكرامه للاجيال
على صدى تاريخها عاشت سنين

دمشق موية نهر وظلالها ظلال
من كل وجهات المدينه بساتين

جنه من الدنيا على اطلالها اطلال
اشجار لوز يحيطها نبت يقطين

مهبط ولد مريم ومسكان الابدال
شرق المناره ينزل وينصر الدين

ويذبح مسيح الكفر وتزين الاحوال
ويشيع الامن وناخذ الحق ثلثين

وصلاة ربي كل ماميل خيال
على النبي مبين الحق تبيين

..... ...... .......

كل بيت افضل من الثاني
ويميزك اسلوبك الخاص
صح لسانك ودام فكرك

صصح لـسسانـك

صح بدنك اخ بدر

صح لسانك يااخي بدر

Sent from my GT-I9082 using منتدى قبيلة بلي الرسمي mobile app