حنّى بلي

حِنّى بلي بلْوى على رُوسَ الاكْبادْ
وِلْيا دِعينا للمِشَاكِلْ بلااوي

نَمْشي على نَهْجَ الصّحابهْ بالامْجادْ
مَيرَ الّمرَاجِلْ ماتجي بالتّساوي

لوْ نِجْتِمِعْ بالطِّيبِ دَلّهْ وِبَرّادْ
على الّمَعزّهْ والّخِيالَ السّناوي

نرْقى على الطّلاتِ وسْيُوفنا إحْدادْ
ياراعي الّبِشْتَ الرِّهِيفَ الّحسَاوي

لوْ تَنْشِدَ اهْلَ النِّيلِ وتْوحُمِ بِغْدادْ
مالَ الّمِهَايطْ في سِمانا نحاوي

حِنّا بِشَرْ فينا ضِعِيفين واجْوادْ
والّكَامِلَ اللّهْ بالّكِمَالَ السّماوي

والّحِبِّ يَاهْلَ الّحِبِّ مِلْتاعِ مِرْصَادْ
كلِّ الّبِشَرْ فِيها جِرِيحُ وهواوي

واللّي يِشِبَّ النّارِ لنّارِ وَقّادْ
الّمُوتِ طِبّنْ مايبِيلهْ مِداوي

إنْشِدْ عَنَ الّباشَهْ يِقُلُونِ ﻻعَادْ
إبنْ رِفادهْ مَايبِيلهْ عَزاوي

عَدُوّهَ اللّي مَاتهنّى بِمِرْقادْ
إمْنَ الّمِطَارِقْ والشّباري يِعاوي

والّيُومِ عَزّونا عَنِ إشْراكِ وإلْحادْ
اخْوانِ نُوره للجِرِيح الّبراوي

حِنّا لِهُمْ عسْكَرْ وِضِبّاطِ وافْرادْ
حِنّا لُهمْ كِلّنْ يِصَيّحْ فِداوي

وحِنّى بلي بلْوى على رُوسَ الاكْبادْ
وِلْيا دِعينا للمِشَاكِلْ بلااوي

ممدوح سالم

مشكور أخوي على النقل

وبلي بأذن الله قويه في دينها ووطنيتها وتلاحم نسيجها الاجتماعي
نفتخر في قبيلتنا مع أحترامنا لجميع القبائل والمواطن السعودي بشكل عام

صح لسان شاعرها
وسلمت يد ناقلها
وتستاهل بلي المدح