صدر الشمالي

صدر الشمالي


السيف يجرح والقلم طعنته مــــــوت /// / إلى نزف حبره على بيض الأوراق


ما ينفعه صـــــدق المشاعرومكبوت /// / خــــــــله يسولف للسحايب وبراق


مليت أمني النفس حرمــان وسكوت /// / ماعدت أطيق الصبر وشلون ينطاق


وقلبي مســاحه بين صنعاء وبيروت /// وصـدر الشمالي بالألم دوم ما ضاق


أصيح وأنخا وانت ماتسمع الصوت /// / / وأدورك وألقاك فيني فــــي الأعماق


واتعب خيول الشعرأبني لك بـــيوت /// / عمدانها ونات وأهاتــــــــــها إرواق


ووجـــــــــــــار دلتنا زمرد وياقوت /// // أقلط تقـــــــــــهوى وأحـمر الدم دفاق


غديك تذكر قـــــــــبل مافايت يفوت /// / إن الوفا ضـــــــد الخيانه بالأشواق


ويمكن تذكر لـــــــذة التوت يا توت //// / وإنــي وحيدك في زمن صار بواق


وتقدر تحط الحزن عنــــــــا بتابوت ///// وتحيي غصون عقب ما حتت اوراق


وتاخذ من الأيام ما ينــــفعك قـــوت ///// وترى مغيب الشمس يـتليه الإشراق


مجنون ليلى والعواجي هــوى نوت ///// وأنتــــي وأنا صرنا حكايـــا لشعاق


ويردك اللي رد يونس من الحـــــوت ///// من بعد ماهو وسط غبات وأعماق


أخوكم/ سليمان عقله العطوي

معزوفه جميله لشاعر متمكن
شكرًا لك

شكرا لمرورك الطيب لا هنت

قصيده رائعه جدا
من شاعر جميل
صح لسانك وفي اتنظار جديدك

صــح لساااانك .......