الكي آخر طب للغش موصوف

الكي آخـــر طـــب ......

الـهـــــرج لامــن زاد قــــلّ اعـــتبـــاره = وراعـيــه مـابيـــن المخــاليـــــق مـلقــوف
ومـن لايـحشــم النفس يـذهــب وقـــاره = يعيش عمــره فــي مــلامــات واحســـوف
وحـقــران بعض النـاس فـن وشــطـاره = والحُــــــر قـالــوا عـادتــه يـبـعـد الشــوف
والصبــر عـــاده للاصيـــــل و نـمـــاره = وتـرى التـغـاظــي نــوب مـايـعتـبـر خــوف
وحســبي على اللي يشــعلون الشـراره = فـتـنــة وكـــذب وزيـــف والحـقــد مـردوف
مـا خـافـنـي يـااخـوان ضــبـع المـغــاره = وغـربـانـهـا لـو جــات مــن يـمي ارفــوف
مــا هـــزنـــي كــوبــان لــو شن غـاره = لاشــــك تــراه مــن الحســابـات مـحـــذوف
يلقــى عــلاجــه وان بـغـى بـانتـظـــاره = والكــيّ آخـــر طــب للـغــــش مـــوصـــوف
وكلــن عــرفـنـا مـبـتـغـــاه ومـســــاره = حــيـث المنـافــق لاعيّـــن النـاس مكشــوف
وبعض العــرب ياجـب عليـك احتـقـاره = وتـهميــش مــن مثـلـــه جـمـاله ومـعــروف
والـحـــق لابـــد مــا يـبــن انـتــصــاره = منصـور والبــاطـــل ســـواعيــفـه اضـعـوف
بقلمـــــــي ......

صح لسانك يابن سوعان والمعنى ما كل يجيبه
نصايح وحكمة وبيان وضحى وللقلب قريبة

يعطيك العافية

صح لسانك الله يعطيك العافية

صح لسانك الله يعطيك العافية