مساجلة للشاعر سلامه عتيق والشاعر كاتب خلف

هذي القصيدة للشاعر/سلامه عتيق البلوي

موجهة للشاعر/كاتب خلف العنزي


يابـو خالد جيت اباســوي قصيـــده *** ولا عرفــت أقصد ولادري وش جرالــي
مدري بنك الشعر هو غلق رصيده *** ولا تعكـــر مــــــزاجـــــي مــــا صفالــي
أترصـــد لــه عــجزنـا لا نـصيــده *** إلــى خطمـــة يــميـــن عـقـبـنـي شمالــي
أظنـــه عــــن جـالنـــا قفــــا مديده *** ولا مـــار انـــه غـــــدا فــــــي دوخـالــي
واحتــزمت وجيـت اباقصر اباقيده *** وقـــام يتخفخـــــف تقــل صـابــه اجفالــي
كـــــل ما قـربــــت زود فيـديــــده *** إلــــى عدلته مــن هنـــا مــــع ذاك مالــي
قلــت لــه يالشعــر وش اللي تـرده *** كــان انــي اخطيـــت علــم فـــي خمالــي
قـــال:الاوادم يكتبونـــي بالجريــدة *** وانـــت قمـــت ادسنــــي مثـــل الـريالــي
امــا عطنـــا حقنــا كلمـــه اكيــــده *** ولا جنـــب دربـنـــــا وافســـــــح مجالــي
قلــــت انـــا ويــاك بسنينــاً عـديـده *** مـــا تكلـــــم غيــــر بالـــــــوزن الثقالــي
ماني مثل اللي يبســـك كل عصيده *** ثــــــم راحــــة ســالفـــة قيـــــــلاً وقالــي
قــــال ذيــــك ايامهـــا راحت فرده *** اختـصرهــــــا لا تـطــــــول بـالجدالــــي
واعتـرفــت وقلت له ضمن النشيده *** اشهــــد انـــك في هــاذي ضيقـــت بالــي
عيـــا يطاوعنـــي علــى شياً نريده *** والله إنــــي قـمــــت افـكـــــر باعتـزالـــي
وابغـــا رايــــك ياابو خالد بتحديده *** نـطلقـــــــــه ولا نشــــــــــــده بالحبالــــي
************************************************** *******************

رد الشاعر/ كاتب خلف العنزي

على قصيدة الشاعر/ سلامه عتيق البلوي


حــــي قومـاً من عزيزين البديده *** صاحبــــــاً لــي من قديم الوقت غالي
عاسفـــاً صعـب القوافي ما تكيده *** مــا يقـــــول إلا التماثيـــــل الجـزالي
شاعـــراٌ بالشعــــر وقفاته عديده *** دارســــــاً بالوقت من ماضي الليالـي
خابــــره لــه نظـرتـــاً دايم بعيده *** ما جهــــل وضــع البعيد من الموالي
والقصيد إحساس والنظره سديده *** وكـــل ما يطــري على بالـــه طرالي
والقريحـــه نـوب ماهي مستعيده *** فــــي كثيــــر الوقــت من قل التسالي
يابــو ابراهيـــــم هالفكـره جديده *** مــار خـــذ رد الجـواب مــن السوالي
كــل شاعـر هاجسـه يبقا عضيده *** ما يغيـــب ومــن بغــى للشعـر نالــي
لا تخـــاف ولا يخوفــــك اتهديده *** لا وردت العــــد وحبالــــك طوالـــي
خـــل راع الفلسفــه يرسل بريده *** والـــدروب العوج ماهي راس مالــي
قــل لهـم ياصاحبـي رحله سعيده *** وانتظـرهـم كـان شفـت الوقـت مالـي
ينكشــف لـك واقـع الدنيا الزهيده *** كــل ماركــب الرشــا فـوق المحالـي
والله الوالــي يدبــر ما يريـــــــده *** وأنـــت حــراً ماكـره روس العوالـي
والشعــر خاواك وشعورك عنيده *** مـــن قديــــم الوقــت يا قـرم العيالـي
خـــذ نصيحــة حق ماضينا نعيده *** الشعــــــر موروثنــــا أول وتالــــــي

فديو

صح لسان الشاعرين والله يعطيكم العافية

صح لسان الشاعرين والله يعطيكم العافية

صح بدنك والله يافيك

صح لسان الشاعرين
وبارك الله فيكما

Sent from my GT-I9082 using منتدى قبيلة بلي الرسمي mobile app