أبن رخيه مات لكن ما مات

هذه قصيدتي في \\علي سليمان الربيض البلوي
التي القيتها في الحفل الذي اقامه في قرية الكر لشيوخ بني عطيه

واليكم القصيدة

أبن رخيه مات لكـن مـا مـات = ما مات ذكره بين قاصي ودانـي
ولا مات من عقب رجاجيل وقفات = في ساعة الوقفه طوال اليمانـي
أرجال والهم بالمواجيب بصمـات = بصمة وفا وتقدير فيـت مكانـي
أبو فهد منهم وأنا أخص بالـذات = من غير نقصن في جميع الخواني
أبو فهد ما أوفيه في عد الأبيـات = لكـن يالأجـواد فعلـه دعانـي
والشعر ما يجنب رموز وعلامات = يبقى لمن قايله طـول الزمانـي
أبو فهد رمز الفعـول المسمـات = المرجله والطيـب كـل الثمانـي
أبو فهد لن قلـت قـد المهمـات = تشهد له افعوله بشوف العيانـي
أبو فهـد ماعجزتـه الصعيبـات = اتقدمه للصعب لن كـان حانـي
تفخر بلي به يوم للكـل ميـزات = يومن كلن يفتخـر فـي فلانـي
عز الله انه نال كـل الشهـادات = مادور اللها جات من غير عانـي
يابو فهد من عرض كل التحيـات = اتحيتي والعـذر يعجـز لسانـي

أحمد مصيليح العرادي

صح لسانك .. ابو فهد رجل يعجز الشعر عن وصف جوده وخصاله الكريمه.....ادامه الله لنا .

السلام عليكمـ ورحمة الله وبركاتة
أخي الغالي وصديقي العزيز
الشاعر
احمد بن مصيليح العرادي البلوي
حقيقة كل ماكتبته هنا يستحقه الرجل الكريم الوفي / على بن سليمان بن رخيه أبو فهد
الرجل هذا سمعت بصيته قبل أشوفه ويكفي منزله العامر في الكر اللي كلاً يلفيه من بعيد وقريب
عز الله أنه كفو ويستحق المدح
----
أبو مصيليح بيض الله وجهك ورحم الله والديك وغفر الله لهما أجمعين
وبارك الله فيــك .

تقبل محبتي


نواف النجيدي

اخوي احمد

تحية طيبة

عسى الله يرحم الميت ويطول عمر الحي

صح لسانك ياحمد ويستاهل راع الثناء للثناء

احمد مصيليح العرادي

صح السانك

واعتلا شانك

نص شعري جزل من شاعر جزل

يااحمد ترا من عرض كل التحيـات
اتحيتي والعـذر يعجـز لسانـي

عن التعبير

تقبل مروري

وتحيتي ومحبتي

قصيدة رائعه

مدح في رجل يستاهل المدح

مشكور على القصيدة الجميلة
ولاتحرمنا جديدك يا ابومصليح