مسند دعيس وابناخه

💭 قصيدة /الشاعر مسند دعيس
اموجهه ل الشاعر يوسف متعب

يايوسف ابغى ارسل ابيوتي ورد الجواب
وخذ السواليف من خالك ومضمونها
اهل الحسد مالها ياذيب غير التراب
اللي ترشها لمنه يملي اعيونها
(ت)رى الحسد مايوكل زاد ولا شراب
(ع)لم مهابيل فكت صوبي اجنونها
(ل)يلى ذبحني غلاها والمحبه عذاب
(م)سند غلاها ومسند هوه مفتونها
(ي)كفيني اني بحر والبحر ماهو سراب
(ج)جمعة كل النوادر شكلها ولونها
(ا)نا الصقر والصقر ماهو خوي الغراب
(ه)هاذي مواصيف وانتم وش تسمونها
(ل)قيت عالم تسولف مير تحت الحجاب
(م)تى تشيل الحجاب ونكسر اسنونها
(ن)ويت اجرد لهم سيفي وفك النصاب
(ق) طيعتن ياعسى الرحمن مايصونها
صحيح زلة جهل يحرم عليها الصواب
(ي)شين من قال كلمه ماوقف دونها
(د)زيت لك ياولد متعب قصيد وخطاب
(ي)ليت بدع المثايل لي تردونها

💭رد الشاعر /يوسف متعب الوابصي
مع فجت النور يامسند وصلني كتاب
قصيدتن جزلتن مااحترت بالحونها
الريح لاجات سكر دونها كل باب
ترتاح من عجها ولاتحسونها
(ل)وكل هرجه اتحسب لها بالحساب
(ا)تموت منها غبن ماتملي بطونها
(ي)اكثر منهو لعلم الناس ودا وجاب
(ض)حكتهم ان جيتهم بالكذب يعطونها
(ر)اكب على الكور لامن جيت فوق الركاب
(ا)حذر من العثره اللي لك يسوونها
(ل) اتامن امن البعيد وحاذر امن الاقراب
(س)فينت البحر صنعت للبحر غرقت تراعونها
(ح)ول على هرجت الجهيل فارغ زهاب
(ا)تعيش في علتن واتموت لاتجونها
(ب)ارق برق معه جاب النا كثيف السحاب
(ن)ون من الحسد قفى حامل امزونها
(ب)بقعت سوادن بقت والراس ياخي شاب
(ح)قيقتن بينت صعبن يخلونها
(ا)لله يخزي ارجال ماعلت للرقاب
(ل)اقلت الهرج خوف الروس يخفونها
(ك)م جاهلن مايعرف البومه امن العقاب
(ل)اتلومه وعدي امع اللي يعدونها
لاتامن من البعيد وحاذر من القراب
سفينت البحر صنعه للبحر غرقت تراعونها
👍👍

صح لسان الشاعرين مسند الوابصي ويوسف الوابصي على هذه المساجلة
صح بدنك اخوي محمد وشكرا لك

صح لسان الشاعرين
ولكن أرى أن
العفو والتسامح من الخصال الحميدة
التي حثنا ديننا الحنيف على الإتصاف بها
لذلك لازم نكون متسامحين مع بعضنا لبعض
قال تعالى
من عفا واصلح فأجره على الله

الدنيا زايله والعمر فاني

وانتم وعشيرتكم من الرجال الي لديهم من الحكمه الشي الكثير
ولكم بالعلم الغانم مكانه رفيعه

بعطيكم العافية وصح لسان الشاعرين