[قصيدة]العــــــــــــــــــلا

<<العـــــــــــــــلا>>


جعل الخيــال اللي تلاعج بروقـــــــه =يسق العلا وجبالها قبل الاشـــــــــراق
يامر به الله والجنوبــي تسوقــــــــه=ويصب وبله لاتفرع جبل ســــــــــــاق
ليله سوى مثل بدائـــــر شروقـــــــه=من مزنتا غراء من الوسم محقـــــــاق
يسق البلد كله وحــــدره وفوقـــــــه=من الشفاء حتى الاشــــــاهــــب وزلاق
ومن الجنوب يصير مابه فتوقـــــــه=ضافي على ديرة حليــيــن الاخـــــــلاق
دار التراث اللــي لها كل لوقـــــــــه=رمــز الاصالـــــه والتـئـلق والافــــــاق
حمر الجبال اتقال بن محروقــــــــه=والا خضاب العيد في كـف عشــــــــاق
دارا عشقـناها وهي معـشوقــــــــه=ديره ربينا أبها على حسن الاوفــــــاق
دارا بها الطرقي يحصل غبوقــــــه=اما عشاء والا فـــــكوكــا للاريـــــــاق
وكل بدوي يرعى حلالــه ونوقــــه=ولاهو لحدر السوق راغب ومشـتـــاق
ماغير بالديره يطلق سـبوقـــــــــه=تقول صقرا بالجناحــــين خفــــــــــاق
الضيف فيها كاملاتا حقوقــــــــــه=كـلا على ضيفـه عجـــولا وسبـــــــاق
والجود فيها واضحاتا فروقـــــــه=والرزق عند اللي كـفل كــــــل الارزاق
وكـلا على ماقيل يكفيه ذوقـــــــه=الكيف له عاشـــــق وناقـــــد وذ وا ق
واللي يبوق الدار ربي يبوقـــــــه=من سابق الدنيا الى اليـــــوم بــــــواق

الرائع عبدالكريم صويدر

الله يسمع منك ولا يحرمنا هطولك المستمر

صح لسانك عدد قطرات المطر

لك القلب

الشاعرالكبير
عبد الكريم
تقبل الله منك وتقبل منا الدعاء با ان يديمك لهذا المنتدى وان لا يقطع عنا سحابك الممطر المخضر.
عبدالكريم
لقد حركتني نحو الشعر في هذا اليوم الغائم في هذه القصيده رغم انني متبلد الاحاسيس من شهور طويله فا لله درك من مبدع

الشاعر الكبير
عبدالكريم الصويدر
صح لسانك على الرائع
قصيدة تستحق القراءة
لاهنت يالغالي

وكل بدوي يرعى حلالـه ونوقـه
ولاهو لحدر السوق راغب ومشتاق
ماغيـر بالديـره يطلـق سبوقـه
تقول صقـرا بالجناحيـن خفـاق

الرائع دوماً / عبدالكريم الصويدر

قصيدة غاية في الروعة

والعلا تستحق


كيف لا و ( وعــد و شاهر وعبدالعزيز ) هناك


تحياتي لك يامبدع

عبدالكريم القصيدة اكبر من التعليق
هذا من الشعر المفقود
احسنت احسنت احسنت احسنت