اخف الهموم وبد ضحكك والافراح///قصيدةمن كلمات/محمدسليمان العرادي البلوي

اخف الهموم وبد ضحكك والافراح
لوكان قلبك كل همن يلمه
اضحك ولو قلبك للاحزان مسراح
الضحك في وجه المعادي يسمه
اظهر له الفرحه لونك بالاتراح
ان شاف بالك زين يزداد همه
عليه اشد من الخناجروالارماح
اللي مضاربها تجي في متمه
تكفيك عن هرجه وتغنيك ياصاح
وتكفي عن اللي فيه غيبه ونمه
وماكل من يضحك ويكثر بالامزاح
يغليك ..والعاقل كلامي يهمه
اللي بوسط القلب يعرف ليا باح
واللي حدر من ضلع واللي بقمه
النو مزنه شتته صلف الارياح
من عقب ماهي ناشيه مدلهمه
خيب هقاوي كل راعي وفلاح
اللي تحرا الغيث وانكف بغمه
يبقى الامل معقود والعزة سلاح
مادام عرق القلب ينبض بدمه
تكشف لنا الايام ماغط بوشاح
ويظهر لنا خاف الامور المهمه
وصلاه ربي عد مابارقن لاح
على النبي اللي هدى خير امه

كلمات/ محمد سليمان العرادي البلوي

صح لسانك يامحمد

صح لسانك اخوي محمد
وعوداً حميداً

صحت ابدانكم جميع