مرثيات ..بقلم / عبدالله محمود البلوي

بسم الله الرحمن الرحيم
.
هذه مرثيات بقلم الشاعر عبدالله محمود البلوي
بليت بموتهم
وهي قصيده كتبها في رثاء الوالد واخيه سعود
رحمهم الله وأسكنهم فسيح جناته

يقول اللي إذا شال القلـم دانـت لـه الأفكـار =ولد رابي مـع الأشعـار فاهمتـه و فاهمهـا
لقى بعد العنى كنز القصيد و حار ثـم اختـار =ثمين اللفظ و استبعد مـن المنظومـة أقدمهـا
ورث عزّ القصيد من الرجال اللي لهـا مقـدار =على نظم الكلام و شاف سحر الشعر في فمهـا
ألا يا بو سعود الوقت جايـر و القـدر جبّـار =زمان اغبر غدا بأسعد ليـال العمـر يرجمهـا
أخذ مني عيون دون علمي بأوسـط المضمـار =على درب الحياة و دنيتـي تشعـل ضرايمهـا
أبوي اللي رحل ما أقدر على فرقى عماد الـدار =أبوي اللي ليـا عـدّوا رجـال العـزّ يقدمهـا
رجل وافي لقومه مجلسـه مزحـوم بالـزّوار =قبل نطق الكـلام يرتـب ألفاظـه و يحكمهـا
و أخوي سعود في زهرة شبابه واجه الأقـدار =فراقه شال كـل أحلامـي الحلـوة و حطّمهـا
وسيع الطيب سلطان المجالس حرّ و ابن أحرار =رجل فاهم وصـاة أبـوه مـا غيـر معالمهـا
ذخرته لليال السود و اثر الوقـت بـي غـدّّّار =خذ روحي و في وجهي خيوط الحزن يرسمها
و أنا المحروم و المظلوم و المجروح للي صار =و هذي دمعة أذرفهـا و ذي دمعـات كاتمهـا
عسى مثواهم الفردوس دار الخلـد و الأبـرار=عسى يرحمهم اللي خافيـات الصـدر يعلمهـا
( بليت بموتهم ) و الصبر ضاع من الذي صبار =و لكن حكمة الدنيا : رجـال الطيـب نعدمهـا

قصيدة ياواسع الطيب
وهي رثاء في الوالد رحمه الله

قال الفتى آه يادمع ٍجرى سيله = ثم آه يانار ٍ من يطفي لواهبها
مرحوم ياللي فراقك كنّه الليله = يوم أذكرك والدموع يهل ساكبها
ياواسع الطيب يا متزعماً جيله = تثني عليك الرجال اللي مصاحبها
تعطف على الضعيف والمسكين تآويله = وأهل المواجيب من جودك توجبها
ماتطرد المال مايشغلك تحصيله = ماقلت أجمع فلوس ٍ ثم أبحسبها
لامن طرى الجود وأنعدت رجاجيله = أنا أشهد أنك مع الأجواد تكسبها
للمرجله يانشاما له مداخيله = يوم أن بعض الرجال يطيح جانبها
ياويل من هو غلط بالعون ياويله = يندم على فعلته ويتوب يقربها
يابوي لو لي عمر مع عمري اشيله = لك زين الأعمار وأنا لي مصايبها
عشت وتوفيت مافي فعلك الميله = وبالهرج يابوي كلماتك ترتبها
كلا ً ليا حل ذكراك شد منديله = دنيا بدونك عسى الرحمن يذهبها

قصيدة سعود
وهي رثاء في اخيه سعود رحمه الله وأسكنه فسيح جناته

وآعذاب القلب من فرقى سعـود =جرح فقده بأوسط الخافق سكـن
الزمـن غـدّار و الأيـام سـود =و الليال هموم و طعون و شجن
و السنين تمرّ و أحزانـي تـزود =و الخفوق من المآسي منشحـن
و العيون بوافر دموعـي تجـود =لا ذكـرت سعـود سيّـل دمعـهن
واهتدى معنى قبل فقـده شـرود =ما لقـى إلاّ هالفـؤاد المنطعـن
ولّ يـا قلـب التعاسـة واللهود =لو يطيب الجرح عشرة ينقضـن
هليّ الدمعـات يالعيـن الجمـود =وابكي الغالي على طول الزمـن
كان مـا تبكيـن حـلاّل العقـود =الجـروح بـدمّ قلبـي ينـزفـن
يا عريب الساس يا نسل الفهـود =من رحلت و عيشتي صارت وهن
يا سنادي يا عمى عين الحسـود =للوفا و الجود في قلبـي وطـن
يا وسيع البال يالقلـب الـودود =يا عظيم الخلق يالوجه الحسـن
ليتني دونـك تغطّيـت اللحـود =ليت رأسي دون رأسـك مندفـن
عزوتي : مالي على فقدك صمود =الرجال تلومني : وش هالحزن ؟؟
لا أعترضت و لا تعدّيت الحـدود =بس أقول إنـي بفقـدك ممتحـن
العزا إنّه ما على الدنيـا الخلـود =و البلا إن جروح قلبـي يكبـرن
طبت حيّ و طبت ميّت يا سعـود =يا عسى مسكانـك بجنّـة عـدن

تحياتي لكم
رضا الجحرش

رحمهم الله

صح لسان الشاعر عبدالله بن محمود
وصح لسانك اخوي رضا

صح لسانك ولسان الشاعر عبدالله

ورحمهم الله جميعا

.

رضا : صباحك ورد يا عسل

وين كنت غايب ؟

لا تكرر الغياب يا غالي ترى أزعل عليك

.

مرحباً بك من جديد وصح لسانك ولسان شاعرنا العذب

والذي وعدنا بالحضور .! وما زلنا ننتظر .

.

رحمهم الله جميعاً وأدخلهم فسيح جناته

ورحم والدىّ وأسكنهم فسيح جناته

ورحم جميع موتى المسلمين

آآآآآآآآآآآآمــيــن يا رب
.


نسخة : لديوان الشاعر .

رحمهم الله

صح لسان الشاعر عبدالله بن محمود
وصح لسانك اخوي رضا

الغالي ابو حمدان ....
صح بدنك يالغلا ... ومنور المتصفح بمرورك
تحياتي إلك