يانجد ماني شاكين ضيم قِلّه = على الولي رزق الغني والمفاليس
ماعقدتن الا وربي يحله =اي والذي حرم الجنة على ابليس
انا اوقلبي كل هاجس يتله =تل المحص من فوق حدب المراويس
امس الضحى مسرور واليوم لله =ودعتك الله يامسافر الباريس
عليك عيني مزنتن مستهله =تبكي كما تبكي اعيون المتاعيس
الحال مني كن طيفك يسله =في صحوتي دمعه اونومي كوابيس
عقلي عليه من الهواجيس ظله =ظل الامواج اللي تميد المتاريس
كن البحر مقلوب عليه كله =غريق موج اوطافيات الفوانيس
محدن زمانه في حياته كمله =لابد من يومن تميل المقاييس
والادمي لو كل خيرن يدله= ماشيبت سود الليالي العراميس
اولاشفت من بين المخاليق عله =ماناحت الخنساء عناها ولاقيس
دنياك هذه غيمتن مسفهله =يصفق بردها مع هبوب النسانيس
يومن طوت برشاك اويومن تفله =اويومن على غيرك تدق النواقيس



شيهان النود