صمـت !

السلام عليكم



وذات مساء

الوقت يأخذ وقت .. والجرح غاير=يخفي ملامح غي يستنطق حروف !!
والليل يكبر فيّ والدم فاير=ما ينطق الدمعة ولا يستر الخوف!
أتصفح أوجه ما بها علم ناير=كن الوجيه أخشاب مالت على كتوف !
يا ليل خلفك من ضياء الصبح زاير= بضمه بعيني .. ويسكن بها شوف
هديت حيلي داخلي جرح ثاير= أحمل رجولي ظن وعيوني كفوف!
تستعطف النظرات صمت الستاير= تستثمر النظرة جفا الوصل مصروف !
من طول نظراتي تعرت سراير = ونور الشوارع شكل الظل ملفوف !
يبس بصدري شوق والضحك صاير= يستجدي التمرير من حنجرة أوووف!
همس الشوارع يستبيح الصغاير =وفي أخره يجمع حونشي وملقوف !!
وأنا بعييييد بكل هدوء : اتطاير=جملة مشاعر جملة إحساس وظروف
خلف الجدار الطين تنبت عماير=جادت بها أحلام ليدي معروف !
يرميني الماء .. وأتجهم دواير=يضحك / ووجهي من حجارته مخطوف !
مالي سما وأرسم جناحين طاير= مالي وطن وأكلم الأرض ملهوف!
هذي حياتي تحت رحمة بشاير =يسبقني وقتي ../ أرتمي / تُشهر سيوف !
كفى يا ليلي سوق الإحساس باير=كفى تتاجر طعم الأحزان مألوف!
تعب يمر الوقت والجرح غاير=كله ملامح غي .. تستنطق حروف
والليل يكبر فيّ والدم فاااير= لاينطق الدمعة ولا يستر الخوف !

محبتي





.

وأنـا بعييييـد بكـل هـدوء : اتطـايـر=جملة مشاعر جملة إحسـاس وظـروف

شاعرنا احمد البويني
صح لسانك على الرائعة
دمت بود,,,

الشاعر/ احمد البويني


قصيــــدة رائــعــه يعطيك العافيــــــه

مقبول الميهوبي

برك الله فيك ويعطيك العافية
قصيده قمه في الروعه أحمد البويني

الاخ / احمد عائد البويني


صح لسانك ولاهنت


ننتظر جديدك اخي

اخ احمد البويني

قصيدة ولا اروع

صح لسانك وسلم بيانك