اعتذار وعتاب وقصيده

الاعتذار / لأحبائي رواد المنتدى على الغياب وخصوصا عن موضوع اللقاء لان ضروفي لاتسمح لي بالمشاركه لان لقاء شاعر يحتاج الى تواصل دائم للرد على الاسئله فالشكر والعذر لاخي الالبد.
* * *
العتاب / الأخوه الشعراء من القبيله والذين يحجمون عن المشاركه في هذا المنتدى فقبيلتنا مليئه بالمبدعين وهذا المنتدى المبارك يجمعهم فلماذا هذا العزوف عن المشاركه؟؟؟؟؟؟؟؟؟؟

القصيده/ مقطوعه متواضعه اهديها لكل رواد المنتدى واخص المشرفين الاعزاء تقديرا لجهودهم في تطوير منتدى الشعر

لامني وجه الزمان ولاعلى مثلي ملامه = الحسود اطفيت ضوه والحبيب اوقدت ناره
انتخيت بطيب نفسي والمعزه والكرامه= مارجيت الا العزيز ولاوقفت الابداره
لابس(ن)ثوب الخضوع وساكب(ن)دمع الندامه= والرجا والخوف يسكن خافقي تاره وتاره
واعترافي بالحقايق ذروة الحق وسنامه= والحظيظ المخطي اللي عاد للدرب ومساره
ماجزعت ولانصبت ولاتطبعت الشهامه=الوفا طبعي وعارف وين ربحي والخساره
الرفيق اعطيه حقه له مكانه واحترامه =والبعيد احذر جنابه لاانتقاص ولاعياره
المواجيب ان دعتني جيتها مرفوع هامه=حافظ(ن)درس الجدود مساير(ن)ركب الحضاره
ثروتي عرف الرجال اهل اللبابه والفهامه=اعتبرها اكبر غنيمه واعتبرها اكبر تجاره
ماطمعت الابربي خالق(ن) شرقه وشامه= الحكيم اللي رضيت بكل حكمه واختياره
والصبر دقيت بابه عن شقا الذل ومقامه=احتفابي واحتواني واحتفل بي في دياره
والليالي لو تكدر حزنها مثل الغمامه=تنقشع والروض يزهر ويتمايل في خضاره
والفجر لابان ضوحه يقتل الليل وضلامه = يبتدي صبح(ن) جديد(ن) يكسي الكون بنهاره
الامل مشرق ويرسل من شقا الغربه سلامه=ناوي الرجعه.. من اللي ياخذ لعلمه بشاره؟
لاح برقه وارقصت له كل ضحكه وابتسامه= والصحار المهمهيه دونها نسدل ستاره
بعدها ماله عليه لاعتاب ولاملامه=الحسود اطفيت ضوه والحبيب اوقدت ناره

السلام عليكم ورحمة الله وبركاته

من حسن حظي تواجدي الاول هنا للترحيب بعودة أخي مشهوربن يوسف السرحاني .

أهلا بك و بإطلالتك بيننا و لا عدمنا هذا التواجد و صح لسانك .

السلام عليكم ورحمة الله وبركاته

المواجيب ان دعتني جيتهـا مرفـوع هامـه
حافظ(ن)درس الجدود مساير(ن)ركب الحضاره

لله درك ماروعك
الله يرحم والدك ويتغمدة بواسع رحمته

الاخ موسى مشكور على مرورك على المشاركه
الاخ ابوفالح جزاك الله خير على الدعوه الطيبه
صدقني لو ماكسبت من تنزيل هالقصيده الادعوتك الطيبه لوالدي تكفيني

مشهور يوسف السرحاني

صح لسانك صح كلك

وفقك الله لما يحب ويرضى

ابدعت في نسج هذه الرائعه

لك مني كل التقدير

اخوك
عبدالله الوحيشي

المــــــــــــــــــبدع


مشهــــــــــور الســــــــــــرحاني


أهــــــــــــــلا وسهـــــــــــــلاً فــــــيــك


والـــــــــف شكــــــــر لــــك علـــــــى رســــــــالتك المـــــــــوجهــــــــه لشعــــــــراء بلــــــــــي


والـــــــف صـــــــح لســــــــــانك علــــــــى هالقــــــــصـــــــــيده الرائعــــــــــه وليس غــــــــــريب الأبــــــداع

مــــــــــــن أهـــــــــــل الأبـــــــــــــــــداع

تحـــــــــــــــيه لـــك ودمــــــــــــت بخــــــــــــــير



،،،،،،،،،،،،،،،،،،،،،،،،،،،،،

ملاحظه

فضلاً ليس أمراً
من يرد على القصائد ينسق رده والموضوع ما يستغرق وقت وهذا من أجل المصلحه العامه للمنتدى
وشكراً للجميع