عـــــــزاه ياقلب

أقدم لكم هذه القصيده للشاعر / عبدالكريم سليم ابن صويدرالبلوي
وهي مرسله للشاعر / أبراهيم عواد التلفيه البلوي وعذرنا أنني لم أجد ردها
.
.

عزاه يا قلبا شكا لي من العين = والعين تشكي رادعات الوشامي
استرسلت للدموع فرقا بعيدين = تشكي هوى حيا نوابي عدامي
يا العين لا تبكين فرقا المودين = كثر البكاء يا العين شر وندامى
والله لو تبكين حينا بعد حين = ما لوم يا عينا جفاها المنامى
لاشك كثر النوح يرث لك البين = وتال المطاف النوح ظلم وحرامي
يا العين من تبغين دونه معادين= تصبري لوحل فيك الهيامي
لوقيل من يتبع أركاب المقفين = مثل الذي يرج النبع بالمضامى
العام كنا لريش العين راجين= واليوم صاير في هوانا عسامى
أهل النقيلي مخلفين الموازين= يسعون با الفرقاء وقطع النوامى
لاواعشيرى كامل الوصف والزين= أبو خدودا مثل برق الضلامي
ادعج غنج يجذب أقلوب المعنين= وجها محيا مثل بدر التمامى
وجعود من فوق الردايف محاصين= والنهد زابر بين الأرداف زامى
حالوا عليه أهل العلوم الخبيثين= يسعون باالفرقاء وهرج النمامى
واللي سعا بالوصل بين المحبين= عساه للجنه سلام بسلامي
واللي سعا بفراق ما بين قلبين = عساه بالدنيا كسير العضامى
لنه فناء تدعى عليه المصلين= لامات ما قالوا عساه الرحامى
تلومني بالود ناسا مساكين= ما شاقهم صوت الطرب والحمامى
ما سوهجو في تالي الليل سارين= ولا لا طفوا حلوا النباء والثامى
الود لا نت له أقلوب السلاطين= حكمه على المخلوق شرقا وشامي
و الولف حنت له أقلوب البعارين= الولف جرح ناقلات السنامى
و الولف تخضع له أقلوب الملايين= حتى الصغير اللي بسن الفطامى
وحياة من نزل تبارك وياسين= منساك يا حلوا النباء والكلامي
يا من خيالك في ضميري يسلين= الياء استعت الذكريات القدامى
لجله صبرنا أسنين وسنين وسنين= وعانيت من شانه عذاب وسقامى
أرخصت نفسي لجل سمح الحجاجين = وصبرت صبر اللي على الضيم كامى
وجدي عليها وجد من حده الدين= ولا مريضا ما يذوق الطعامى
ولا سجينا عاش بين المساجين= مظلوم في دنياه والظلم دامي
ويعل عينا ما بكت بعد غالين= يقضف نظرها عام ويزيد عامي
واهني ناسا عن هواء البيض سالين= ما جرهم سلك الهواء والغرامي
تسهر عيوني وألا جاويد غافين = لما ينادي للصلاة الأمامي
في مهجتي ثارت أبحور وبراكين = ولآلي جدي يا كود عض البهامي
شكواي لله ثم لبن العريبين = ابن الرجال الطيبين الصرامي
صاحب قديم ومن أربوعا فهيمين = يرد مكتوبي بعجل ولامي
تكفى يا بن عواد بالعسر واللين = افزع وعطني من كلام الفهامي
وحنا بما يقسم لنا الرب راضين = اللي فرض للعبد حج وصيامي
هذا وأنا ليه اسلوف وقوانين = وليه مشاريه الوفاء بالكرامي
وختامها مني أعطور البساتين = ريح الزبيدي والنفل والخزامي

.
........... أبن صـــــويدر

<div align="center">السلام عليكم ورحمة الله وبركاته،،
اخي وصديقي العزيز

ابن صويدر


لك مني كل الشكر على هذ1 النقل الجميل والمميز

والله يعطيك العافيه

وصح لسانك ولسان الشاعر ابراهيم التلفيه

والى الامام اخي عبدالعزيز

ولك فائق احترامي

وتقديري


عبدالله الوحيشي</div>

<div align="center">.. ابن صويدر ...


كلمةٌ رائعه .. تتلوها رائعه ... هكذا هي كلماتك... صح لسانك وبعد صح لسانك ..


رائعٌ أنت .. بإحساسك ... بنظمك .. فلك التحايا .. ممزوجةً بالإعجاب بحرفك ..


تقبل أرق تحايا خفوقي .. وأمنياتي لك بدوام التوفيق والإبداع .. وأمنياتي لك


بالسعــــــــادة يا رب ..



يمكن غلا
محمود الجذلي</div>

<span style='color:deeppink'><div align="center">السلام عليكم ورحمة الله وبركاته .... وبعد


عـبـد الـعــزيــز إبــن صــويــدر


كلمات لامحست أحاسيسنا أيها النقي ..

جميل أبداعك هنا بهذا الجمال .. ورائع ماخطته لنا أناملك الألماسيه

نحن بأنتظارك هنا مــــــــرهـ أخـــرى ..

فلاتبخل علينا بمافي حوزتك



تقديري وإحترامي ...


فتى بلي ... سلمان العرادي</div></span>

لا أعلم أين يختفي

هذا الشمالي


ياسر / ابحث عنه

قصيده رائعه
يعطيك العافيه ياابن صويدرعلى هذا الطرح