شعار فشفاش

يامسوي الفنجال هيلا وبنـــي = سلمت يمنك وازنه ينعش نعاش
اسكب لنا ما يبعد الهم عنـــي = يعدل مزاجاً شارد الذهن منداش
مدري علام البال ما يرجهني = وانا ثقيل وعادتــي رابط الجاش
انقش على الفولاذ لوحات فني = ولين لي صـم الصـخر كنه قماش
لوحات من هاجوس شعراً سكني = يزوم مثل الموج في عاتي الطاش
لاقلت هات البيت مليون جني = يسابقن رفات عينــي بالارماش
احترت ويش اختار يوم حضـرني = بنات فكري كنهن لـؤلو بشـاش
قلت انصراف الوضع صار متدني = اليوم صار الشعر كليبات وفلاش
كـلا يقـول الشعـر وكـلا يغنــي = كثرت مـواويلـه ومضمون مهناش
ومجنون ليلى صار مليون جنـي = يصفق جمهور انت لـه عاشو وعاش
لكن الحقيقـه كان ما خاب ظنـــي = ما ينفع التطبيـل شعار فشفـاش
واللي بنفسـه شك وشتك منـــــي = المعـذرة اختامها طاش مـاطــــاش

ش/ مقبول البلوي

واحــد مشتـك

.

الرائع

مقبول الميهوبي

صـح لسـانك

قصيدة رائعة جداً , ووجهة نظر تستحق الإحترام

لكن تأكد لا يصح إلا الصحيح

والفشفاش ولا يهون الباونتي

لن تقوم لهم قائمة , بوجود جمهور واعي متذوق

أكرر شكري وإعجابي
.

استاذي/ ابــوشاهر
شكراً على مرورك الكريم واشادتك اعتبرها وسام اعتـز بــه ودافع
لـي بالاستمرار.

مقبول البلوي

[size=5]مقبول الميهوبي صح لسانك قصيده جزله والله يعطيك العافيه
[size=5][/size]
[size=5]وتقبل كل الود[/size]

[/size]

مقبول الميهوبي.....ماشاء الله عليك....والله كل كلمه قلتها عن قصيده
نعم فالواقع مرير
والفشفاش كثر
ولاكن كما قال احمد شاهر
لايصح الا الصحيح
قصيده بحق رائعه..............

مقبول الميهوبي صح لسانك قصيده
وتقبل مودتي


ابن بطيحاان الجذلي