(ت ع ا ب ي ر ) الأوداع ... ( غــزل )..

الملف الشخصي · 11-05-2006, 04:28 AM

بسم الله الرحمن الرحيم
احبتي
تحيه طيبه
اكتب لكم بأسم الشعر هذه (الأبيات)
وكلي أمل أن تعجبكم وتحوز على رضاكم
وإلى لذذذذة ت ع ا ب ي ر ( الأوداع )
يقو وول

شد الظعن وأقفوا هله فيه نجاع=وأخفت حوافر خيلهم كل جره
وأخفى ضجيج اضعونهم صوت ملتاع =حر(ن) فقد شيهانة البيض حره
يصفق بجنحانه على هدف الأضلاع=لولا الحنايا ما أستقر بمقره
يصفق ووناته مع الريح ذعذاع=تناقلته ام الهبايب تذره
يقفا ورى لذة تعابير الأوداع =أثره صدى صوته على البعد غره
ما أعطوا أمل لو بعد مده بمرجاع=ولا بشروا من ينتظر با المسره
غير العسام اللي كسا كل مرباع=والليل طال وعانق الصيف حره
صارت عصافير الهوى اوحوش وأسباع=وليل المسامر صار با القلب حسره
عض الندم بمفارقه روس الأصباع=وعرفت مقسومي من الوقت شره
الريح تسرق ذكرياته من القاع=ماكنها قبل امس عطره تذره
توالت الأيام وصويحبي ضاع =وأنا أتذكر من عليه أتشره
والصبح جيراني عن الدار نجاع=وأنا أتتبع با الخلا كل جره

وسلااااااااااااااااااااامتكم !!!
ـــــ
انتظروني فالشعر جميل وأنتم الأجمل
*******************
الشاعر / مسلم عواد رويشد البويني البلوي
tktuk@hotmail.com