من قصائدي

هاتين القصيدتين القصيرتين مشاركة مني ,ارجو ان تنال استحسان من اطلع عليها

محطات السفر

ناظرعلى رمش الهوى ناظرالليل =ناظر طلوع الشمس ناظر غروبه
ناظر يبي ناظرك يانافل الجيل=انا بسفر وانتي محطة غروبه
لو عذبك جرحي تعذبت بالحيل =بارض ٍ خلا والوجد بارد هبوبه
وان كان للسلوان قلبك نوى الميل=لاتحرمه من لذة العمر نوبه
قالوا وصوف الزين جملة وتفصيل=قلت اكمل التوصيف به والعذوبه
شمس ٍوباشراقه تضيع القناديل=وعاري جمال الشوف ستره وثوبه
لوعذبه جرح العيون المضاليل=ابنتظر صبح القدوم وغروبه

طلعة الشوق

ياكثر مافي خاطري لك من الشوق =ان جيت والا عن عيوني تخفيت
فيك الجمال ودافي الحس والذوق=فيك العذوبه يااعذب الناس حبيت
كم انت بعيون المخاليق معشوق=وانا بقلبك صوت الاشواق غنيت
في طلعتك لاح بسما جوي بروق=خلتك سحابه وامطرت يوم ناديت
من فرحتي بك يابعد كل مخلوق=ذللني الخاطر بسيفه وذليت
صار الحكي في عبرة الصوت مخنوق=عنه بذرى صمت الشفايف تذريت
الله خلق بالناس عن بعضه فروق=حي ٍ سعيد وحي حي ٍ كما الميت

الشاعر ابو سامي


صح لسانك
على القصيدتين الرائعتين





ونبي من القصائد القديمه
نبي جيت البحر وابديت همي للامواج

حمود البلوي

صح السانك

وسلمت يابعدي

وتقبل تحياتي

الشاعر
حمود لاشلت يمينك
وكلمات اقل مايقال عنها رائعه

حياك الله

عبدالله

حمود


صح فكرك يعطيك العاقيه


حس راقي


كلمات عذبه

حمود البلوي

صح لسانك وسلمت

لك مودتي

مقبول البلوي